Jak jeng tapa 4 vụ di mô hình mblang hamu prong ngak brei pacheih dom xã viên HTX Phước Hậu dalam bruk cakrok patagok kinh tế. Meng 53 baoh sang lac thành viên HTX akaok mereip, tal urak ini hu 447 baoh sang hu mbaok tame, brei mboh kadha pambuak gauk dalam bruk ngak mbang ba mai kein laba, lac jalan patagok piah pasiam bruk yau Yuan lac “được mùa mất giá, được giá mất mùa” Kuhria tal abih thun 2017, phun jien điều lệ di HTX Phước Hậu tagok tal 1,5 tỷ đồng dut haong tukvak akaok mereip lac 300 triệu đồng di tuk akaok thun.

       Meng hatai saneng, meyah tok ngak padai ye tukvak daok saoh biak ralo, ong Vạn Hoàng, urang dalam HTX dịch vụ ngak nong Phước Hậu saneng tal  bruk raong dom janih athur hu yaom kinh tế glaong tui jalan raong palao dalam bein yau: pabui juk, menuk, katrau, tapai… Saong kadha daok hu sangka ralo di abih nan lac duah labik piah pablei. Kadha ini hu hội đồng thành viên HTX Phước Hậu langyah jeng jalan ngak biak tui mô hình pambuak pagam dom xã viên piah pablei anek pajaih saong blei veik pandap pandar anek athur raong. Piah hu labik ka urang jakar tacei pato ilamu kỹ thuật, kinh nghiệm raong glang saong duah labik pablei tabiak pandap panda, Hội quán Phước Hậu hu padang tagok. Ong Vạn Sổ, Hội viên HTX dịch vụ ngak nong tổng hợp Phước Hậu- Ninh Thuận brei thau: “Meng blaoh khaol dahlak hu pasram, hu tacei jalan mesre phun jien piah raong pabui juk, lac janih raong meng kan mai khaol dahlak jeng hu ilamu paje, pandap mbang di nyu biak mbuan khuah, tui jalan pasram meng blaoh mboh biak mbuan, jeng lac pandap thô nan ye mikva mboh bui piah pambuak pagam haong Hội quán di puk palei”.

      Piah hu jalan nao khang kajap dalam bruk ngak mbang pala drak saong pablei  pandap, ngan haong raong glang, mikva xã viên palih ruah pabui juk di puk palei piah raong kayua nyu mbuan raong, mbuan pablei saong mikva jeng hu ralo ilamu, taphia di nan, ngak njauk tui jalan raong palao dalam bein, tok brei mbang pandap mbang thô nan lac phế phụ phẩm kaya nong. Pabui hu pablei meneing tapa Hội quán Phước Hậu tui jalan pablei ka tuai  du lịch saong mikva dalam palei, daok veik hu pablei tui jalan pambuak bruk haong dom công ty di bal raya Hồ Chí Minh. Đề án di HTX Phước Hậu hu Kapul urang nong tỉnh taong yaom glaong saong pachreih tui meng bruk brei ka 30 xã viên akaok mereip mesre phun jien tapa jalan di Kapul urang nong tỉnh piah peih ngak bruk raong pabui juk. Ong Quảng Đại Hoàng, Akaok  HTX dịch vụ tổng hợp Phước Hậu- Ninh Thuận, lac: “HTX daok kuhria peih prong ralo bruk ngak mbang, piah ngak habar paglaong jien mek tame ka mikva, blaoh HTX nao tame dalam gah pablei salih, bahrau ini HTX jeng hu ba tabiak jalan ngak haong Kapul urang nong tỉnh piah daong brei phun jien meng kadung jien di kapul urang nong piah ka mikva raong pabui juk tui jalan hữu cơ, pambuak haong du lịch miệt vườn”.

Yau nan langiu di bruk pambuak gauk piah patagok chuỗi giá trị meng phun padai, bruk raong pabui juk taduan hu bruk pachreih tui di Kapul urang nong. Ini jeng lac HTX daok tui jalan pambuak bruk 4 gah lac: urang nong,  karja, urang ilamu saong doanh nghiệp.

         HTX Phước Hậu lac labik ba akaok nao dahlau saong jak jeng dalam bruk padang ngak mblang hamu prong akaok meti di tỉnh Ninh Thuận. Meng ilamu di kapul urang khik iek saong bruk   pachreih tui di dom xã viên meda ba mai jak jeng siam mekre dalam bruk ngak mbang tui mô hình mblang hamu prong ngak padai  haong bruk raong pabui juk pambuak haong chuỗi giá trị dalam bruk pablei pandap panda kaya nong./.