Dom bilan dahlau, tuk tabiak hamu di tuk melam, saai Nguyễn Văn Bình song adei likei dok di palei Long Thành, xã Tân Long, ban sit Ngã Năm, tỉnh Sóc Trăng  gaok njauk talei điện cap tikuh angaok mblang hamu di urang daok jiak sang. Kayua điện hu dui tapak meng điện jalan, nyu ngak ka saai Nguyễn Văn Bình metai chip, daok urang adei njauk rambuac trak, hu ba nao cấp cứu. Saai Bình metai nao, klaak veik urang duik song 2 urang anek sit. Urak ni, bruk duah jien, kuhria ka anek bhik jeng kateik tagok dua gah bara di urang haduik, saai Sơn Thị Sen:

Nao ngak  mbang pah hu harei duah hu labaih 60 ribau đồng, hu harei  hu labaih 30 ribau đồng. Tui bruk ngak rilo atau takik. Patak patom hasit brei ka 2 anek nao bac, kham merat kuhria ka anek bhik.

Daok sa-ai Trần Văn Mười, daok di palei  Vĩnh Tiền, phường 3, ban sit  Ngã Năm ye patuah jang. Saai Mười khan lac, bala rah tabiak tuk saai nao rivang vah,  gaok tame talei điện ja kamuan dok cap takuh palai kaik padai. Kayua pandar điện tapa bình ă -quy, dok dalam bilan yuak (njuak) padai đông xuân, taneh hamu oh dok ia, nan ye điện giật oh metai.

Lavik  melam tabiak rivang vah, ja kamuan nyu dok caik điện cap tikuh, sa gah padai yuak bloh, sa gah oh ka yuak (cakak), nao angaok takai hamu ye labuh tame talei điện. Nyu handaok hasih ye tatuak drei preo tagok. Ja kamuan tuk nan nyu dok ndik, preo hu 2 sap ye nyu paok kẹp.

Urak ni, bruk pandar điện oh an toàn, suan adat bhian mboh rilo di dom bhum palei pala, rilo di abih nan lac bruk pandar điện piah cap takuh, cap ikan. anak meta mboh lac piah pacang takuh palai kaik phun pala, urang nong dok hu rilo jalan ngak siam lagaih jang yau pandar halam, ni lông pacang taom dar mbang hamu, atau pandar bả mồi…

Mik va pandar điện dalam bruk rong hadang, pruh puh, njam patam jeng dok mbuan ba tal bala meyah takik caik hatai sangka. Di dom bhum rong hadang, hu oh takik boh sang “ câu” điện eng, pandar gheng, kayau oh kajap ngak gheng điện ba tame sang, tabiak chòi, tabiak puh.. jeng rah tabiak rilo mbang bala biak pandik harao.  

Gah điện lực, karja palei bhian pathau khan, min kayua chủ quan song kayua bruk ngak mbang duah jien, rilo menuac takik pang tui bloh mbuan ngak ka drei saong urang karei gaok bala. Taeng di ban sit Ngã Năm, dalam 2 thun ni mai, hu tal 4 mbang bala kayau điện, ngak ka 5 urang metai song 2 urang njauk rambuac . Đại úy Nguyễn Văn Bá, Phó Trưởng Công an Phường 2, ban sit Ngã Năm, tỉnh Sóc Trăng brei thau:

Anak tal, công an phường khol hulin daok pambuak bruk song Ban Chỉ huy quân sự phường peih ngak siam bruk pasang iek, duah thau, langyah catang dom bruk pandar điện suan hukun, pandar điện tong chap kaya ikan song langyah catang dom bruk pandar điện piah cap takuht.

 Mik va pandar điện brei ngak njauk quy định piah oh rah tabiak dom bruk pandik harao, bhian pasang iek khik caga jalan talei, công tắc điện, cầu dao, abih di nyu nan lac dalam dom bilan hajan, tuk mboh nguy hiểm, njauk khan brei gah điện lực, karja palei thau pala piah khik caga ka rup drei song ka menuac urang dok jiak tapen./.