Nao tal dom puk palei di urang Giáy tỉnh Lào Kai dalam dom harei jiak tal melam ia bulan bak baoh bilan 7, labik halei jeng mboh pahe brah nduik meng dom boh har rợm tuk angaok ging pui meriah. Tui sap Giáy, Roya melam ia bulan bak baoh bilan 7 ieu lac “tết Xíp xỉ”. Urang Giáy peih bruk cúng ia bulan bak baoh bilan 7 sa mbang bloh di biar harei 14. Pandap paling yang hu menuk tuk, rilaow pabui, nduik, ia bai. Abih di nyu nan lac dom harei ni, urang Giáy peih bruk papaok har rợm … piah paling muk kei, likau hu pren yava, salamad, ginup meda tal tong abih menuac urang dalam sang, dalam but pajaih.

Jien ba-ar, khan aow, pandap hàng mã lac janih oh kurang hu piah paling yang melam ia bulan bak baoh bilan 7 di urang Giáy, min, karei jang urang Yuan di labik lac, khan aow cúng, vàng mã jeng hu ngak eng meng ba-ar sambo blei mai cakak tui khan aow meng kan di bangsa drei. Dom pandap panda, hàng mã karei karei yau saih, radaih patuh, ô tô, đồng hồ… oh hu urang Giáy cúng am dalam melam ia bulan bak baoh bilan 7. Tui adat cambat, lễ chúng sinh  hu urang Giáy cúng dalam tukvak 21 tuk tal 22 tuk melam nan. Bruk ieu yang biak mbuan, tok klauk 7 mbaik nhang di anak pabah mbang, hadei di nan lai nduik, bu, rilaow pabui, ia bai, proi di takai mbaik nhang bloh ngak lễ cúng chúng sinh.

Dalam talam kakuh melam ia bulan bak baoh bilan 7 di urang Tày Lào Kai, rilaow ada lac janih oh kurang hu. Urang Tày bhian ndom tal janih pandap mbang dalam adat cambat di bangsa drei yau ini: Bươn chiêng kin nhợ cáy, bươn chất kin nhợ pết (makna lac Roya bialn sa mbang rilaow menuk , Rija bilan 7 mbang rilaow ada). Tui dalikan, ada hu urang Tày iek lac anek ginreih kayua ada lac sứ giả di menuac sia dunya saong pô lingik. Anek da nan nyu cõng menuk tano tapa tasik nao cống sứ pô langik dalam harei ia bulan bak baoh bilan 7 yaok thun

Dalam harei ia bulan bak baoh bilan 7, urang Tày ngak adat “Pây tái” (sang gah amaik). Tui nan, anek kamei, anek metau likei, dom taco gah amaik bhian naong pandap paling yang, dalam nan oh kurang hu gu da limek, brei mboh hatai thau dar phol amaik ame, ong muk gah amaik. Tuk mai tal sang gah amaik, dom anek kamei, taco kamei pataom gauk ngak rilaow da, abih gauk dalam sang bui sambai ba gauk ngak dom janih pandap mbang meng rilaow da. Ni lac ilamu siam gheih di urang Tày brei mboh bruk njauk ngak di urang kamei Tày hadei di tuk tok pasang, luac thun gam song pasang, saong anek sangka tal bruk ngak mbang di sang gah pasang, kuhria bruk pok kakuh ong muk ong kei di gah pasang. Dalam thun tok hu harei 2 bilan sa song harei rằm bilan 7 meng hu mai veik sang amaik ame di drei piah iek glang amaik ame saong caga pandap pok kakuh ong muk, ong kei. Urang Tày jeng hu lễ báo hiếu amaik ame, ong muk song dom urang metai bloh dreih yau lễ Vu Lan di Phật giáo.

Dreih yau urang Tày, urang Giáy, melam ia bulan bak baoh bilan 7 lac tết hu urang La Chí di Lào Kai peih ngak prong di abih. Mik va sahaneng lac, ini tuk piah pok kakuh uan taduan bruk tam padai bloh song likau muk kei khik caga hamu, puh”. Jeng dalam tuk ni, talam kakuh song dom bruk ngak ilamu thể thao bangsa hu peih ngak chreih chrai. Talam kakuh dalam harei ia bulan bak baoh hu nduik, rilaow menuk, pabui, ada. Dom bruk bhain hu peih ngak nan lac doh dam dara, main taong bộ binh, đu quay, ném còn... di sang taha palei hu angan je di abih.

Yaok janih pandap hu pok tagok muk kei, brei mboh hatai thau dhar phor di yaok bangsa di tỉnh Lào Kai dalam harei ia bulan bak baoh bilan 7 yaom lac hu karei di gauk min tong abih jeng hu ndung bak yaom glaong ilamu hadah krah bika karei di yaok sa bangsa./.