Menuk Việt pablei tabiak taneh ia lingiu: jalan peih tabiak ka raong glang menuk ada dalam taneh ia.

Barau ini, lô ralo menuk chế biến akaok mereip di Viet Nam hu pablei tapa darak pasal danei angan kan kandah lac Nhật Bản.Ini lac sa kadha praong di gah ngak nong Viet Nam, peih tabiak dom siam lagaih bahrau piah kaya nong taneh ia drei meda nao tah jang, tame hu dom darak pasal kan kandah saong rilo tiềm năng. Min, dom jak jeng nan barau lac dom takai yam akaok mereip. Daok rilo tavak tave bo gah raong glang njauk yam tapa piah pamaong tal bruk pablei biak rilo tabiak taneh ia lingiu. Xuân Lượng urang vak di rayo sap ndom VN daok di ban raya Ho Chi Minh hu kadha vak brei thau ka bruk ini:

      -Harei 9/9 meng blaoh lac sa harei praong di gah raong glang, chế biến menuk ada di taneh ia drei tuk Công ty trách nhiệm hữu hạn Koyu & Unitek (liên doanh di Australia saong Nhật Bản, jabat ngak bruk di Khu công nghiệp Long Bình, tỉnh Đồng Nai) mbang akaok mereip pablei ralo menuk chế biến tapa Nhật Bản.

-Piah ngak hu bruk ini, công ty hu caga jaik 3 thun padang chuỗi pambuak bruk meng anek pajaih, raong glang tal sik ralo, chế biến tui sa quy trình hu tui iek catang, njauk pabak dom tiêu chuẩn khắt khe ye:  oh pandar jru pacang caga kum; libik raong lac labik hu tabiak panuac brei thau an toàn jit; pakauk pandar rilo janaih kháng sinh saong abih di nyu nan lac pakauk pandar dom janih kháng sinh halei dalam 10 harei dahlau tuk sik ralo. Ini jeng lac dom bruk oh mbuan ngak; piah ngak hu njauk padang chuỗi pambuak bruk khép kín, meng bruk daong saong tui iek catang di dom chuyên gia.

-Công ty Koyu & Unitek khan lac, gah Nhật Bản caong khin blei tame yaok bilan labaih 2.000 tấn ralo menuk, min urak ini công ty barau pabak hu jaik 300 tấn/sa bilan. Dalam tuk yaom menuk nao Nhật glaong jang jaik 30% duk saong pablei dalam taneh ia, yau nan ye công ty meda peih praong chuỗi pambuak bruk, paglaong công suất chế biến piah patagok lượng pablei tabiak taneh ia lingiu. Ông James Hiếu, Tổng Giám đốc Công ty Koyu & Unitek brei thau: Anak tal meyah siam lagaih, kayua darak pasal Nhật jieng daok praong rilo piah patagok, công ty meda pambuak bruk saong dom sang urang nong piah ngak jeng sa chuỗi mek nguyên liệu ginup pablei ka darak pasal ini. Taphia di nan, công ty jeng hu jalan patagok ka dom taneh ia karei.

-lingiu Nhật Bản, daok hu rilo darak pasal karei yau dom taneh ia châu Âu, Trung Quốc, Myanmar… jeng hu caong khin praong ka ralo menuk chế biến blaoh. Kayua yau nan ye, jalan peih tabiak ka ralo menuk Việt Nam biak praong. Bruk praong lac Việt Nam njauk langyah catang dom tavak tavaiy meng livik mai di gah raong glang dalam taneh ia.

-Đồng Nai urak ini lac labik raong menuk praong abih dalam taneh ia ngan saong labaih 14 triệu drei min rilo abih lac pablei di darak pasal dalam taneh ia. Dalam rilo thun, drei menuk di Đồng Nai oh pablei tabiak taneh ia lingiu hu kayua chất lượng, an toàn hacih saat pandap mbang oh pabak hu dom tiêu chuẩn di taneh ia lingiu. Kuhria tal tukvak ini, tuk hu dom lô ralo menuk akaok mereip nao tapa  Nhật, tok barau lac bruk kham merat di dom libik nao dahlau. Ông Trần Văn Quang, akaok Chi cục Thú ý – raong glang, Sở ngak nong saong patagok palei pala tỉnh Đồng Nai ndom tapak lac: bruk an toàn pandap mbang, kandaong labaih kháng sinh saong an toàn jit ruak jeng daok lac bruk tavak tavaiy praong abih. Ông Quang lac: Tavak tavaiy dahlak mboh lac paga pacang ka raong glang di Việt Nam jeng ye di tỉnh Đồng Nai urak ini lac bruk pacang caga jit ruak. Bruk ba tabiak lac kol drei njauk peih ngak  trại an toàn jit ruak saong vùng đệm an toàn jit ruak bloh meng ndom tal bruk pablei pandap tabiak taneh ia lingiu. Darak pasal di taneh ia lingiu pandar pandap an toàn abih, oh hu kandaong labaih kháng sinh, kim loại nặng, khik caga chỉ tiêu vi sinh.

-Ông Nguyễn Văn Ngọc, Phó akaok Hiệp hội raong glang menuk ada Đông Nam Bộ suh sah lac, kayua gah raong menuk ada dalam taneh ia jeng daok dom tavak taiy karei. Oh lac tavak tavaiy gah kỹ thuật, gah an toàn hacih saat pandap mbang bo bruk daok ndih dalam gah khik ramik, quy hoạch raong glang. Ông Ngọc so sánh: di dom taneh ia cakrok, dom trang trại bhian độc lập, tah di gauk piah ngak jeng sa bhum an toàn jit ye di taneh ia drei, gah khik ramik gilac jhaih dom trang trại mai sa libik meng angan “ libik raong glang praong”. Bruk ini, tui ông Ngọc lac nyu cagar veik jalan ngak di dunya.

-Oh ka ndom tal, bruk brei adat srau kadau, kateik angaok gauk jeng ba tal bruk srau kadau halei nan di dom libik raong glang. Sa trang trại yaom lac hu buh jien tame ngak praong, tui iek catang min tok hu sa sang urang nong sit sot atau sa trang trại sit jang mai ndih taphia, njauk lac libik an toàn jit ruak nyu tayah abih. Dalam tuk libik an toàn jit lac sa dalam dom tiêu chuẩn praong abih ka hacih saat dịch tễ bo gah taneh ia lingiu yêu cầu. Bruk ini tok hu langyah meng dom bruk khik ramik hành chính, hu quy hoạch chi tiết, cambaih laih; bruk brei adat njauk saong quy hoạch.

-Ðồng Nai urak ini lac tỉnh duy nhất dalam taneh ia padang hu 2 libik an toàn jit ruak di huyện Trảng Bom saong Thống Nhất, meda caga ruak kum menuk ada saong Newcastle di sang urang nong saong trang trại. Ini meda ndom lac jalan peih tabiak piah lang talaih dom tavek tavaiy ka gah raong glang bo bằng chứng lac lô pandap akaok mereip tabiak meng Đồng Nai hu tapa Nhật jak jeng. Min, di quy mô vùng, lac gah raong glang menuk ada dalam taneh ia jeng daok rilo bruk njauk ngak, meng bruk hacih saat dịch tễ ka tal bruk apdang dom công cụ khik ramik, quy hoạch siam lagaih piah drei menuk Việt Nam nao atah tabiak dunya.