Pathau mik va song tong abih gauk! Sỏi thận lac ruak pagam tal bruk mbang menyum. Kayua yau nan ye bruk paiam ruak sỏi thận mai meng bruk mbang menyum. Kadha “ Urang iek ruak” harei ni, khol dahlak hu kadha vak tacei pato ka urang ruak sỏi thận njauk sangka tal dom bruk praong yau ala ni.

Jhui menyum ia tasau dalhau di tuk nao ndih:

 Ia tasau hu rilo canxi, dalam tuk sỏi thận bhian mai meng canxi kandong veik. Jalan ba tal hu sỏi canxi dalam ia me eik lac kayua hu ralo canxi dalam tuk vak katut panak. Dalam 2 tal 3 tuk hadei meng ndih lac tuk vak tabung glong di nồng độ canxi tapa thận. Tuk drei dok ndih, ia me eik  đậm đặc song nồng độ canxi tapa thận prong mbuan ngak jeng sỏi. Kayua yau nan ye, urang ruak  sỏi thận hu kakei lac jhui menyum ia tasau dahlau di tuk nao ndih.

          Jhui pandar rilo dầu gan cá:

Dầu gan cá tuyết hu biak rilo vitamin D, meda jhul pakhang bruk hấp thụ  canxi song photpho tapa màng ruột. Pandar rilo dầu cá ni  meda ngak brei tagok canxi song photpho dalam ia me eik, mbuan ngak jeng sỏi.

          Jhui mbang pandap hang

          Urang ruak sỏi thận brei plaih mbang pandap hang, pandap meam. Ni lac jalan biak siam piah pacang ruak sỏi thận.

          Urang ruak sỏi thận brei sangka oh lac boh kayau halei jeng mbang hu. Njauk plaih dom janih boh kayau hu axit oxalic  yau nho, sung khô, dom janih asar... Brei pabak boh kayau  meda pacang caga ruak hu yau ye: kruac, ratak lô, dâu, lê, ia hani, nấm mèo song tamekai./.