Pachreih tui bruk jak ba “taong abih bhap bini jum pataom dak padang rai diuk ilamu di labik daok – diuk rai siam ka dunya – mekre ka agama”, yaok baoh sang urang Cam daok di palei Hòa Lộc jeng njauk hatai, peih ngak siam dom asal di bruk jak ba. Harei suk yaok adit, mban quản trị sangmegik Islam di labik ini hu pablak bruk agama saong bruk brei ka mikva duah thau ka jalan ngak, ka sarak di Đảng, hukum di karja, pathau khan ka bruk jak ba “bac megru saong ngak tui jalan hadah krah siam mekre di HCM”. Yaok thun, palei hu pambuak bruk saong ban ngành kapul nyaom peih bruk pathau khan pato pakai hukum yau hukum likhah caga, hukum taneh  riya, hukum an toàn jalan mbak ka mikva… Bhap bini Chăm dalam xã thau jum pataom saong dom bangsa karei daok pak labik ini, patagok dân chủ, khik ramik kỷ cương, diuk rai saong ngak bruk tui Hukum negar saong dom adat hukum; dom bruk kandah gauk dalam palei hu mikva langyah, rik daong khik kajap palei pala sron mbon, baoh sang hamen phon. Dalam nan, njauk ndom tal palei Hòa Lộc. 11 thun tapa, palei ini jeng mek hu angan palei ilamu. Ong Mach No, hakim sangmegik Islam Al Mutta Qin brei thau:

Băng sap Chăm:

Mai palei Hòa Lộc urak ini, ralo urang mboh katuak drei saong chreih chrai anak bruk hadah hadai di puk palei, jalan palei hu tuh menyek samu tapak. Hu yau nan meng hu mikva urang Chăm halan hatian brei taneh ngak jalan bo oh ndok bayar jien. Jalan hu ngak tal halei ye mikva daok dua gah jalan eng drei jah klak kayau patau, njam patam, brei taneh ngak jalan. Ong Châu Gia, sa baoh sang hadah krah hu brei 750 m² taneh pala cao su piah ngak jalan brei thau:

Băng sap Chăm:

Thun 1998, ralo bhap bini bangsa Chăm daok di labik ini diuk rai tui jalan du canh du cư. Min tal urak ini, hu bruk daong ba di dom danak dak bruk ngak di negar, dom dự án patruh eik patrun kathaot di karja, mikva hu định canh, định cư, sanang hatai ngak mbang. Mikva daok kham merat salih phun pala, meng phun pala hu takik kein laba salih tapa dom janih phun pala hu yaom kinh tế glaong. Urak ini mikva dalam xã hu ba 95 ha dalam abih tih 200 ha cao su tame kuah mek katak, jien mek tame 22 triệu đồng sa thun. Meng nan hu jien salih barau rai diuk, brei anek kamuan nao bac ginup. Ong Nguyễn Văn Cảm, phaok bí thư thường trực Đảng ủy xã Minh Hòa brei thau:

Băng: “Urak ini, bhap bini urang Chăm diuk rai biak siam, ngak njauk tui dom sarak di Đảng, hukum di karja. Mboh  jalan mbak oh hu pui ye jak ba mikva ngak gom truac hadah ye  urang ngak biak siam”.

Meng dom bruk ngak hu dalam phong trào pakacah gauk anit ranam taneh ia, bhap bini urang Chăm xã Minh Hòa daok kham merat gam saong dom bangsa adei saai dalam xã jum pataom gauk, ba tangin tame patagok kinh tế - xã hội di puk palei./.