Meyah Katê lac harei praong abih dalam thun di urang Cam Ahier ye Ramuwan lac harei praong di urang Cam Bani di Ninh Thuận saong Bình Thuận.  Ramuwan ndung bak dalam nyu oh thau hadom yaom glaong ilamu sajarah meng kan saong hadah krah di urang Cam Ninh Thuận saong Bình Thuận.

 Meng subuh page harei camereip di Ramưwan, urang patui taok gauk jeng talei atah meng dom palei Cam dalam tỉnh Ninh Thuan tabiak tal labik nao gur. Dom ong Achar, ong imem angui cuk ao atah patih kaok. Daok dom amuk taha cuh ao dhai, dom kumei dara Cam cuk ao atah birau ginup sambo màu hadah mekre, akaok ndua ndon hala, ba tui dom janih piah raok mukkei mai sang dalam dom harei Ramưwan. Sap bac Koran da-a mukkei yava tagok ngak ka harei Ramưwan yau ginreih jang. 

Di xã Phước Nam, huyen Thuan Nam, bruk uan raok Ramưwan mboh yau chreih chrai jang, hu labiah 6.000 urang nao sirah kubo rivang ghol, likau mukei chraong daong hu rilo siam mekre luac sa thun. Ong Não Minh Tròn, sa urang Cam daok di xã ini brei thau, oh lac thei jeng hu meroi da-a mukkei hu:"Thei jeng nao rivang ghol hu min tok hu urang bac koran blaoh meng meroi hu tuk nao gur".

Nao ghol blaoh. Urang samar mai sang, sap pagap pandap piah da-a mukkei saong langkan dalam klau harei Ramưwan piah likau hu sa thun siam mekre, salamat, ngak mbang hu ginup meda. Ramưwan thun ini, di xã Xuân Hải - labik hu 1.400 baoh sang urang bangsa Cam di huyện Ninh Hải, mikva daok hu lang thauk khan bai, bingula jik pet, caik binguk that, baoh kayau ginup janih. Abih di nyu nan lac, angaok papan kakuh mukkei, sang halei jeng caik rilo janih ahar yamen bingi meng kan di bangsa Cam.. Amuk Từ Thị Hai daok pak palei Phước Nhơn 3, xã Xuân Hải, huyen Ninh Hai lac:"Tal bilan mukkei, sang dahlak ngak tapei bilik, tapei nung, sakaya…ngak salao lisei, bu da-a mukkei".

Dom thun jaik di ini, raidiuk mikva urang Cam daok di xã Xuân Hải hu rilo salih birau, baoh sang kaya meda rilo, baoh sang kan kathaot trun daok takik. Meng nan, mikva uan raok Ramưwan dalam bui sambai chreih chrai jang. Ong Tài Năng Cử, Akok Mban khik iek palei Phước Nhơn 3, xã Xuân Hải, huyện Ninh Hải khan lac: "Dom thun ini mai, hu karja sangka daong phun jien piah ngak mbang, raong glang, raidiuk mikva hu trei sir. Abih di nyu nan lac thun ini padang ngak palei pala birau, jalan hu tuh betong praong lanieng,, rilo sang ngak meng kriak, ngak hamu hu padai, ngak apuh hu linge yau nan ye mikva caga payak mukkei biak praong. 

Langiu dom adat cambat meng kan, dalam 3 harei Ramưwan, mikva Cam daok di xã Phước Nam, Xuân Hải …daok hu peih ngak rilo bruk bui sambai yau daoh tamia, ma in dom kadha meng kan di bhap bini. Dom harei ini, urang ngak praong di tỉnh Ninh Thuận jeng hu padang rilo kapul urang jakar nao rivang, tadhau ayuh saong alin pandap ka dom sang megik saong mikva urang bangsa Cam daok dalam tỉnh. Ong Imem Dương Khà, Pho akoak Hoi dong tijuk halau Bini Ninh Thuan brei thau: "Langiu bruk sangka daong ka raidiuk bhap bin, Karja daok daong ka mikva mbang mukkei njauk tui adat hukum, khik ramik saong patagok dom ilamu siam gheih di bangsa".

Tal  melam tameco di  Ramưwan, mikva urang Cam ba brah, jien,  pandap tame sang megik sakat ngak pahala, likau brei hu rilo siam mekre, salamat. Mikva halei hu rilo ye buh rilo hu takik buh takik. Dom ong achar saong mikva bhap bini tame sang megik kakuh likau sa bilan eik Ramưwan hu kajp kro, salamat. Dom bruk ngak dalam bialn Ramưwan piah kak kajap jang talei jum pataom gauk, ba gauk khik ramik ialmu siam mekre meng kan mai di bangsa./.