Hadei di tuk nao rivang iek mô hình bein phun boh di dom puk plaei, thun 2013, ong Nguyễn Kim Anh daok di xã Nhị Hà, huyện Thuận Nam, tỉnh Ninh Thuận hu buh phun jien tabiak piah patagok mô hình kinh tế bein. Meng 1 ha taneh puh, ong Kim Anh pala iek  20  phun kanduik. Meng tari taring ngak bruk, song ba ilamu bahrau tame pandar, nan ye phun kanduik tamuh siam song brei biak rilo baoh. Mboh hu kein laba, ong Kim Anh peih prong mblang taneh song pala pabak 30 phun kanduik, tal urak ni daok tabiak boh tani tanat. Meng 50 phun kanduik, yaok thun ong Kim Anh mek jien tame hu labaih 100 triệu đồng. Ong Nguyễn Kim Anh brei thau:

“Bhum taneh ni pala padai tuk hu tuk oh, dok phun kanduik ye nyu hu jang. Phun kanduik  1 thun hu 2 vụ, yaok vụ sa phun hu 100 ribau, nyu hu rilo jang phun padai.

Mboh hu kein laba meng bruk ngak kinh tế bein, urak ni, yaok pluh boh sang urang nong di  xã Nhị Hà hu salih labaih 100 ha taneh padai takik kein liba tapa pala phun mbang boh, ngan song dom janih phun pala hu yaom  kinh tế glong yau : paoak  Thái Lan, paaok cuah Hòa Lộc, kanduik, panaht, darum, kruac bung klik hajao, thanh long... Dalam nan, phun kanduik, panat song kruac bung klik hajao  lac 3 janih phun lagaih song langik, taneh riya song tamuh siam di puk palei. Kayua bhap bini duah thau, bac megru song iek glang phun pala njauk ilamu kỹ thuật, nan ye tui kuhria yaok vụ, sa ha bein phun mbang boh duah hu labaih  50 triệu đồng. Ong Lê Quyết Thắng - Chủ tịch UB bhap bini xã Nhị Hà, huyện Thuận Nam-tỉnh Ninh Thuận brei thau:

 “Dalam  xã urak ni taneh phun mbang boh biak prong, min tapa tuk vak pala dom boh sang mboh phun panah song phun kruac bung klik hajao hu rilo baoh saong yaom kaom tani tanat. Anak tal palei pataom tame padang angan je jang yau pathau khan ka mik va patagok mô hình phun mbang boh hu yaom kinh tế glong piah patagok rai duik ka bhap bini 

Mô hình kinh tế bein hu ba mai kein laba ka rilo boh sang  bhap bini xã bhum ceik Nhị Hà vsong dok hu dom xã bhum ceik karei bac megru. Urak ni, bhap bini dalam xã dok patagok bruk ngak kinh tế bein song salih dom janih phun takik kein liba tapa pala dom janih phun hu yaom glong, dog patrun kathaot song paglaong rai duik di bhap bini./.