Mo hinh patak pataom ia pruh

       Meng akaok thun 2016, meng bruk  El Nino nyu ngak ka pandiak bhang rah tabiak aval jang, hajan kurang meng jaik  15 tal 30%, rilo labik oh hajan yau ye Ninh Thuận, Bình Thuận ba tal tua trak. Piah pacang caga bruk ini, di Ninh Thuận hu mboh rilo mô hình pacang cakak saong pandiak bhang yau bruk pruh ia patak pataom di phun ritak lo, salih phun pala di taneh ngak padai. Kadha urang ngak hamu caong thau harei ini kol dahlak likau khan ka mikva saong grauk yut thau dom jalan ngak piah pacang cakak thu lagu :

           Ông Hùng Ky daok di xã An Hải, huyện Ninh Phước tỉnh Ninh Thuận lac sa dalam dom urang nao dahlau dalam bruk  pruh ia patak pataom di xã thau cambaih dom kein laba meng bruk ini ba mai. Ngan saong dua hecta taneh, ông buh tame 60 triêu đồng piah ngak hệ thống pruh ia hajan, yau nan ye, hadei di sa thun pala dom phun katut harei yau củ cải, cà rốt, ritak lo, ông mek veik hu phun jien buh tame. Ông Hùng Ky brei thau alamu : “ Njauk lac pruh ia patak pataom biak siam, oh hu hệ thống pruh ia patak pataom oh ngak hagait hu di labik ini, hu nyu drei jeng đỡ rilo saong jeng rik daong caga bruk thulagu daok rah tabiak khang”

       Ông Nguyễn Tin - Giám Đốc pasak pachreih nông tỉnh Ninh Thuận brei thau bruk salih tapa  pala phun ritak aih takuh angaok taneh ngak padai di Ninh Thuận hu ba mai kein laba glaong ka urang nong dalam tuk pandiak bhang yau urak ini : Meyah kol drei pala ritak aih takuh tok pandar 20% ia duk saong ia pruh ka phun padai, nan lac meyah 1 hecta kol drei tok pandar 2000/10.000m3 meyah ngak padai; ka dua kol dreipandar hu taneh, oh klak taneh saoh; ka klau daong ka urang nong hu jien mek tame, pasiam raidiuk, trun takik naong trak di karja dalam bruk daong pacang eik cang tal tuk yuak.

      Ông Lê Trung Hoàng, urang nong huyện Tuy Phong, tỉnh Bình Thuận brei thau :Kol dahlak ngak hu dua mô hình praong, ka sa lac pala ritak lo di taneh cuah saong pruh ia patak pataom, ka dua lac salih phun pala ka njauk saong bhum taneh thulagu lac phun ritak aih takuh di taneh padai , dua bruk ini kol dahlak mboh biak  siam piah kol dahlak bac megru saong pandar di puk palei, abih di nyu nan lac pruh ka phun ritak lo meng bruk kuhria độ bốc hơi di haluk, ini lac sa mô hình barau bo kol dahlak mbang akaok mereip hu bac megru saong dahlak jeng kham merat ba pandar di puk palei”

     Meng dom jalan ngak di Cục pala drak, Tổng cục thủy lợi dalam bruk daong cakak tua riya di bhum Nam Trung Bộ saong danakdak trun takik lượng asal pajaih padai drak kayua mintri ngak nong saong patagok palei pala ba tabiak meda daong ka urang nong bhum Nam Trung Bộ daong cakak siam tua riya, khik ramik bruk pala drak saong tani tanat raidiuk. 

Thúy Linh