6 vi chất giúp ngăn bức xạ máy tính

Menuac ngak bruk văn phòng yaok harei daok anak máy tính dalam tukvak suai livik, mbuan ngak brei khut meta, sabil meta bo daok ba tal lihik cân bằng nội tiết di urang kumei, ngak patrun pren yava, yaok harei yaom lac hu mbang rilo dom janih pacang oxy hóa jeng oh hu kein laba hagait. Hadei di ini, kol dahlak likau khan brei thau dom janih njam patam baoh kraoh siam ka bruk pacang bức xạ máy tính, daong ka urang hu khang kajap pren yava saong plaih hu bức xạ máy tính:

Lycopene

Dang akaok nan lac dom janih baoh kraoh hu sambo meriah bhong yau traong ndaiy, tamekai…Lycopene hu dalam dom janih baoh kraoh hu sambo meriah bhong, nyu hu rilo di abih dalam baoh traong ndaiy. Lycopene nan lac janih carotenoid meda pacang hu oxy hóa khang di abih mbiah tal tukvak ini, nyu meda pacang oxy hóa hu rilo jang 100 mbang vitamin E, meda palai hu biak khang dom gốc tự do, meda pacang hu bức xạ. Traong ndaiy daok hu ieu lac patao di dom janih phun kayau.

Viatmin A, beta - carotene

Dang akaok nan lac gan ikan, gan động vật, ralo menuk, lòng đỏ di baoh menuk ada, súp lơ hijao, cà rốt, njam lăng…Dom janih pandap mbang ini hu rilo Vitamin A saong Beta – carotene, nyu khik caga meta biak siam. Carotene thiên nhiên nan lac sa janih pacang oxy hóa biak khang, nyu khik caga tế bào rup pabhap plaih khut khat, meng nan nyu plaih ka tế bào njauk ung thư. Mbang cà rốt suai livik meda daong ka rup pabhap takik njom bức xạ saong tia tử ngoại biak khang.

Selen

 Dang akaok nan lac lange, mạch nha, hoàng kỳ, nấm men, dom janih baoh, mbia, hadang ginraong, ikan ngừ, tỏi, bimao…Nguyên tố vi lượng Selen meda pacang hu oxy hóa, nyu tapa bruk pacang cakak rup pabhap phản ứng oxy hóa, meng nan meda pacang hu bức xạ, ngak suai veik bruk lão hóa. Dom janih pandap mbang hu rilo Selen dang akaok nan lac lange, mạch nha saong hoàng kỳ.

Lipopolysaccharide, Vitamin A 

Dang akaok nan lac tea hijao, ratak naih. Meyah oh randap menyum ia tea hijao ye tea bingu cúc jeng siam dreih yau nan. Y học harei ini hu roh duah saong mboh lac, dalam ratak naih saong dalam tea hijao hu Lipopolysaccharide, vitamin A, meda daong pacang palahik dom độc tố dalam rup pabhap, jhul samar bruk trao đổi chất, meda pacang hu dom janih ô nhiễm.

Collagen

Dang akaok nan lac rong biển hijao, hải sâm, kalik saong tủy động vật. Rong biển nyu pacang hu dom janih phóng xạ, meda patrun hanjhul dom palai pajoa di đồng vị phóng xạ, tia bức xạ ngan saong bruk miễn dịch di rup pabhap, saong daok pacang hu bruk metai di tế bào miễn dịch saong pacang hu bức xạ.

Vitamin E và C

Dang akaok nan lac dom janih ratak, menyek oliu, menyek asar hướng dương, njam sabei, táo tầu that, baoh quýt, baoh kiwi…Dalam dom janih asar ratak, menyek oliu, menyek asar hướng dương saong dom janih njam patam, njam sabei hu rilo Vitamin E, daok dalam dom janih baoh kraoh yau bao medar that, baoh kiwi jeng hu rilo Vitamin C. Viatmin E saong Vitamin C jeng lac janih vitamin pacang oxy hóa, hu hoạt tính pacang oxy hóa, meda patrun patakik dom phản ứng oxy hóa kayua bức xạ máy tính, dreih yau nyu me-om tagok rup pabhap kol drei sa tal ao pacang bức xạ./.