Huyện An Phú, tỉnh An Giang hu labaih 2.100 baoh sang ngan haong 8000 urang daok di 5 xã Đa Phước, Vĩnh Trường, Quốc Thái, Nhơn Hội saong Khánh Bình. Langiu bruk menyim jih dalah meng kan, dalam dom thun jaik di ini bruk raong limo palimek dak harei dak mboh ralo dalam bhap bani urang Cam pak ini. Bruk raong limo ini hu pambak prong kayua langiu bruk daong ba di karja puk palei, nyu daok ba mai kein laba kinh tế.

Dalam dom thun jaik di ini, ralo baoh sang di huyện An Phú, tỉnh An Giang, jang yau palei Cam Nhơn Hội salih tapa raong glang, dalam nan bruk raong limo palimek hu mikva sangka saong cakrok patagok. Limo pajaih hu blei meng Campuchia, yaom meng 15 – 20 triệu đồng sa drei, mboh ralo nan lac limo sambo màu mbong Ấn Độ, limo Italia, limo lai Sind. Tui sa-ai Kadit, urang raong limo pak ini, bruk raong limo mboh takik glaih glar jang nao ngak apah, tok mek pren ngak laba, raong meng 6 tal 8 bilan  laba hu meng 18 tal 20 triệu đồng. Mboh bruk raong limo ba mai ralo siam mekre, karja puk palei, Gilang pariak sarak karja hu sangka daong  phun jien brei ka dom baoh sang raong glang mesre, piah cakrok patagok kinh tế pak di palei.

Meyah dahlau diah tok hu meng 1-3 baoh sang raong limo palimek, ye urak ini hu ralo baoh sang raong limo, oh daok thei nao ngak mbang pak atah tra. Yaok thun, bruk raong limo ini ba mai jien mek tame biak tani tanat ka mikva. Kayua yau nan ye, bruk raong limo lac jalan siam mekre oh lac daong ka mikva patagok jien mek tame, bo daok laghaih haong rai diuk ilamo adat cambat tanarakun di mikva Cam pak ini. Tui sa-ai Kadit, urang raong limo meng phun jien mesre di gilang pariak sarak Karja: Khin raong limo mek hu ralo siam mekre njauk thau jalan mong iek van ro laneng lanoi haci hacih, juai caik ka jamaok kaik ngak jeng jit ruak, brei ka limo mbang njauk tuk, saong bhian menei ka limo. Yau nan ka limo meng takik ruak saong cakrok siam. Sa-ai Amad, urang raong limo pak ini jeng brei thau: kaya mbang di limo nan lac hareik saong pong thu srau veik haong gauk, langiu di nan brei ka limo mbang gam tangeiy, raong meng 7 tal 8 bilan ye limo limek trak tagok saong hu pablei tabiak darak pasar balraya Hồ Chí Minh.

Taphia di nan, urang jakar pachreih nong bhian tacei pato ilamu raong glang, daong ka urang nong ủ metham piah patak pataom phun jien saong ngak jeng pandap mbang hu ginup dinh dưỡng brei ka limo. Meng jalan ngak ini, bo baoh sang Amad dahlau diah gaok ralo kan kandah, urak ini sang sa-ai hu tabiak truh kathaot ngan haong tapol limo labaih 20 drei, hadei di 8 bilan raong palimek, sang sa-ai pablei tabiak duah laba hu labaih 12 – 20 triệu đồng sa drei. Sa-ai Amad brei thau: 

Sa-ai Lê Thanh Việt, Akaok Jabat Bangsa huyện An Phú, tỉnh An Giang brei thau: Huyện hu pok panuac tagok tỉnh njauk patagok bruk raong limo, kayua ini lac jalan ngak mbang mbuan laghaih, lagaih haong haong adat cambat tanarakun di urang Cam. Langiu di nan, limo mbuan raong, takik phun jien, yaom lac tukvak raong nyu lavik jang, min kein laba glaong, rik daong oh takik tame bruk patruh eik patrun kathaot ka mikva di labik ini.

Urak ini, bruk cakrok patagok kinh tế dalam bhum urang Cam huyện An Phú dak harei dak hadah hadai jang. Dut haong 5 thun dahlau diah, palei Cam pak bhum tapen negar ini hu điện, jalan, sang bac, balai y tế… Oh lac patagok kinh tế baoh sang, bo dom bruk ilamo xã hội pak ini tuk halei jeng hu sangka di dom pakat karja. Baoh sang urang kathaot dalam huyện tok daok jaik 9% dut haong dom bangsa takik dalam tỉnh. Sa rai diuk trei sil sron mbon daok mai haong mikva di labik ini, brei thau lac sa harei hadei biak siam jang angaok bhum taneh tapen negar ini./.