Pathau mikva urang nong! Ngak tui jalan lac oh caik ka athur metai kayua kurang pandap mbang atau mahu ia, dom puk palei di tỉnh Ninh Thuận hu caik dom labik siam, taduan mek tapol athur raong palao, piah khik tapol saong patagok raong glang dalam bilan pandiak bhang.

Nao tapol nao plaih – bruk raong glang di bilan pandiak bhang

Urak ini dom sang raong rilo athur di palei  Thạm Dú saong Đồng Dày xã Phước Trung huyện Bác Ái hu ba tapol nao labik jaik danao ia ye đập Ô Căm (Phước Trung), danao Sông Trâu (Thuận Bắc) saong dom xã tapeng kraong di huyện Ninh Hải, Ninh Phước.

Dalam tuk nan di xã Phước Hữu, huyện Ninh Phước tuk tabung glaong hu tal labaih 40 sang raong  labaih 10 rabau drei athur hu pabo, kabao saong limo hu dom po trang trại di huyện Thuận Nam, ba mai ini padang trại piah glang iek. Dom xã Phước Thái, Phước Hậu jeng lac puk palei hu tapol athur ba mai biak rilo. Kayua labik jaik sông Lu saong kraong praong meng binek Tân Giang nan ye hu ia. Tuk ba mai ini, tapol athur hu mbang : pong, neran, phun ratak aih takuh saong daok hu ia menyum.

Tukvak tapa, uy mban bhapbini huyện Thuận Nam hu pambuak bruk saong uy mban bhapbini huyện Ninh Phước rami ramik labik siam, lagaih, tadun mek tapol athur mai glang palao. Taphia di nan, hu bruk khik ramik, glang iek bruk jit ruak di tapol athur dahlau si taduan mek; palagaih gah halau ia, pandap mbang ka athur di tuk glang palao di puk palei.

Huyện Thuận Nam lac labik gaok pandiak bhang trak, yau nan ye bruk ba tapol athur nao labik karei lac bruk njauk ngak dalam saram drah.  Piah ba mbuan lagaih ka  bhapbini ba kapul nao, huyen hu dut iek saong brei harak kiểm dịch ka po sang raong glang piah tuk ba nao plaih, labik taduan mek pasang tame di nan bo rami ramik, khik iek. Kayua yau nan ye, urak ini, yaom lac tapor pabo hu drei lavang vaih, min oh mboh jit ruak, trun takik khat lahik kayua pandiak bhang./.