Ninh Thuận  meng lavik mai hu angan je ka bruk rong pabo. Tuk vak tapa, pandiak bhang dui atah ngak oh siam tal bruk patagok rong glang dok di tỉnh, kayua kurang pandap mbang song ia menyum. Piah klah ka bruk pabo metai kayua kurang mbang, rilo urang rong samar salih tapa taneh pala padai song dom phun pala brei takik kein liba karei, tapa pala hareik pabak ka bruk rong glang, jang yau duah jalan pabak pandap mbang tapung piah patagok kilo ka pabo. Bruk rong glang pabo palimek meng hèm mbia di saai  Huỳnh Nguyên Đăng di xã Phước Thuận, huyện Ninh Phước –tỉnh Ninh Thuận hu mong lac bruk gam tính đột phá, dong ka pabo patagok siam,, tagok glong dalam bilan pandiak. Kadha hadei di ni di Mộng Thu song Phan Thanh hu khan ka bruk ngak kaya meda di sa urang nong Huỳnh Nguyên Đăng ở xã Phước Thuận, huyện Ninh Phước –tỉnh Ninh Thuận

          Meng lavik, hèm bia hu pandar dalam bruk rong limo, pabui, dong patrun phun jien buh tabiak ka tapon limo , pabui tagok siam, tagok kilo samar. Angaok cơ sở nan, saai Huỳnh Nguyên Đăng di xã Phước Thuận, huyện Ninh Phước- Ninh Thuận  pandar hèm bia piah rong pabo palimek. Camereip, saai rong 150 drei pabo palimek tui jalan brei mbang hareik pagam song hèm bia. Hadei di 3 bilan rong iek tapon pabo di saai patagok siam, takik ruak, tagok meng 3-4 kg dut song bruk rong meng kan.

         Meng jak jeng di tuk camereip, saai Đăng peih prong trang trại song tagok pabo meng 150 drei tagok 700 dreiAnak tal, saai meda padang sa  trang trại rong glang pabo palimek meng hèm bia labaih 3.000 drei, piah tani tanat jien duh hu song duah bruk ngak ka urang ngak palei pala. Saai Huỳnh Nguyên Đăng lac:

 “ Meyah lac điều kiện mbuan lagaih, drei meda ngak mô hình ni tagok labaih 3.000 drei, piah tani tanat pabak ka drak pasa. Ka 2 drei mek pandap mbang labaih di pabo, drei meda ngak 2 danao ikan piah tuk halei dalam ro pabo jeng hu máng pandap mbang saat, pandap mbang labaih nan, drei rong menuk, da song 2 danao ikan deih, dok khak ni nyu biak tani tanat song drei dok roh duah pala song pabak njam hacih ka darak pasa Sài Gòn

          Tui saai Huỳnh Nguyên Đăng, bruk rong pabo palimek meng  hèm bia meda dong urang rong takik patui tame langik lasik, trun 50 - 70% jien pah urang cakak hareik song blei pandap tapung, jang yau, pabo tagok meng 20 – 30%  dut song bruk rong meng kan, bilau jangeih siam song jalan tung pruac tagok siam,, nan ye takik jit ruak. Meng jak jeng di jalan ngak ni, xã Phước Thuận, huyện Ninh Phước dok kuhria peih prong labik di xã piah mik va urang nong bac megru ngak tui.. Ong Lê Văn Duông, urang jakar ngak nong xã Phước Thuận, huyện Ninh Phước- Ninh Thuận ndom lac

 “Meyah bo hu peih prong bruk rong pabo meng hèm bia ni, nyu biak patak patom mblang hareik bika lac rilo, kayua urak ni taneh di labik ni pala hareik dok biak takik, nan ye peih prong bruk rong pabo meng hèm bia, kayua pandap mbang ni biak lac siam, meyah urang rong song số lượng prong, labaih 50, 30 drei ye mblang taneh pala hareik oh ginup pabak, brei duah hèm mbia ni mai ka pabo mbang lac biak siam, piah phụ pandap mbang  tapung song brei tagok kg biak samar.

  Bruk pandar hèm bia dalam bruk rong glang pabo palimek di saai  Huỳnh Nguyên Đăng hu mong lac jalan ngak bahrau, pandar pandap mbang di puk palei, trun yaom kaom, patrun bruk phụ thuộc tame pandap mbang hajao, min pabo dok tagok siam, tagok kilo samar, tapa nan, ba mai kein lagaih KT glong ka urang rong./.