Lac urang abih hatai ranam ilamo bangsa, jaik 70 thun ini mai amuk Bàn Thị Vinh (ndih tapui thun 1940, daok pak palei Đồng Cóc) jeng ndam gam haong bruk menyim, pet khan ao meng kan di bangsa drei. Yaom lac dua gah takai nyu glaih, dua gah tangin nyu lagah, meta sabil njauk cuk camin, min amuk jeng oh ka padeih bruk jhik pet. Yaok harei amuk jeng daok tagok apuh, tabiak hamu; tuk lahaiy ye amuk jik pet khan ao. Amuk khan lac, dahlau deih sang amuk kathaot ralo. Umo 8 thun, bac abih tal 2 amuk tui bac adaoh kadha daoh bhap bani saong megru jik pet bingu hala angaok khan ao bangsa Dao Thanh Y meng urang amaik di drei nan lac amuk  Trương Thị Ba daok pak palei Nam Mẫu, xã Thượng Yên Công (urak ini lac bal Uông Bí, tinh Quảng Ninh). Amuk Vinh khan lac: “Khan ao dom urang anek meng asit tal prong jeng kayua dahlak jik. Urang kamei Dao thei jeng hu amaik, hu amuk pato tacei jalan jik pet khan ao, seok me-om, ndol ka dom urang dalam sang. Tuk dom urang anek nyu nao khin likei, nao ngak metau sang urang karei ye njauk thau jhik pet khan ao ka pasang, ka anek saong ka urang dalam sang gah pasang. Urak ini rai diuk hiện đại, oh daok bhian angui cuk khan ao bangsa ye takik abih dalam harei lễ, Tết njauk hu, abih di nyu lac urang kamei tuk nao tok pasang njauk hu sa bộ khan ao bahrau. Meyah oh jhik eng ye njauk nao blei, mong nan lac pandap  hồi môn”. Khan ao di urang Dao Thanh Y biak ấn tượng. Dom bingu la hu menyim tagok meng dom sợi len ginup sambo màu hijao, bhong, mbong, kanjik…. Urang Dao saneng lac, sambo màu bhong ba mai haniem phol, patuah jamo, ginup abih dalam rai diuk, langiu di nan daok ba mai pren yava saong hơi ấm ka ceik glai nan ye sambo màu bhong hu pandar rilo dalam yaok blah khan ao. Bingu la jik pet di jih khan ao, bhian lac hình baoh trám, akhar vạn, bingu la, phun kayau, chim brim… hu makna pambuak haong langik tasik hu raong ba anek manuac. Amuk langyah ka makna di yaok janih bingu la, yaok jalan jarum marai jhik, jalan pambuak sambo màu di dom sợi len piah ngak brei mekre blah khan ao meng kan.

      Kayua buh pren tabiak ngak saong khik ramik hu ralo kadha daoh bhap bani saong ralo jalan jik pet khan ao meng kan di bangsa Dao Thanh Y, nan ye harei 28.12.2011 amuk Vinh hu Hội Văn nghệ bhap bani Việt Nam pok brei angan “Nghệ nhân bhap bani Việt Nam”; harei 21.2.2012, UB bhap bani tỉnh Quảng Ninh jeng brei harak meyaom ka amuk kayua buh pren khik ramik saong pato tacei  ilamo, daoh takơ bhap bani dom bangsa dalam tỉnh. Thun 2015, Nghệ nhân Bàn Thị Vinh daok lac sa dalam dom nghệ nhân naih gheih di tỉnh Quảng Ninh taduan hu Bằng công nhận Nghệ nhân Ưu tú Việt Nam. Amuk Trương Thị Thơ, Bí thư Chi bộ palei Đồng Cóc brei thau: “Amuk Bàn Thị Vinh lac sa urang abih hatai haong bruk khik ramik khan ao meng kan di bangsa Dao. Dalam rai diuk harei ini, meyah urang Dao halei jeng hu hatai saneng khik ramik ilamo yau amuk Vinh ye oh huac nyu lahik nao”./.