Nan lac dom ragu glaong, biar hu patabiak meng talei capi hu ngak meng tơ tằm gam saong sap daoh di NSND Xuân Hoạch dalam tuk peih mbang parang iek “Alat ragam bangsa meng kan” bahrau rah tabiak di Pasak taom gaok ilamu ban klak Hà Nội kayua mBan Khik ramik ban klak Hà Nội pambuak haong kapul “Đông Kinh cổ nhạc” peih tabiak. Oh hu loa phóng thanh, oh tăng âm bo meng sap daoh di urang daoh saong sap capi di alat ragam bangsa, urang pang mboh hu bruk gheih, mekre di nhạc tiếng tơ meng kan.

Nhạc sĩ Vũ Nhật Tân,  Akaok kapul “Đông Kinh cổ nhạc” brei thau: tơ tằm lac  chất liệu di ragu ragam Á Đông meng saman dahlau, talei capi tơ tằm jeng hu nao gam haong ragu ragam Việt meng kan. Min kayua bruk trun tagok di sajarah saong bruk njom tame di ilamu Tây, dây tơ ngak capi meng kan di ong kaok ong kei drei dahlau deih nyu lihik nao. Kayua yau nan ye, dom nghệ sĩ dalam kapul, abih di nyu nan lac NSND Xuân Hoạch, urang ba abih rai di drei ka ragu ragam meng kan di bangsa, tuk halei jeng caong nao duah veik yau tamo mbaik capi, tiếng tơ meng kan:

          Bruk ngak veik yau tamo mbaik capi klak meng kan di nghệ sĩ kapul “Đông Kinh cổ nhạc” jeng gaok rilo kan kandah kayua urak ini, bruk pandar tơ ngak talei capi oh hu di palei ngak halei, bo kayua NSND Xuân Hoạch saong dom nghệ sĩ roh duah, ngak veik tui tapuk siphau, tui dom blah sarak klak atau dom alat ragam daok hu khik ramik.

Tui NSND Xuân Hoạch: sap đàn tơ biak bingi pang jang sap capi talei nilon. Bruk paik capi jeng kan jang kayua đàn tơ trak jang, urang paik njauk khang tangin jang piah ngak ka talei nyu catang jang, nan ye urang me-in brei ba abih hatai jai jang piah hu dom sap mekre, lai li-an:

Piah ngak hu 16 mbaik capi meng kan, lingiu hatung hatian di dom nghệ sĩ kapul “Đông Kinh cổ nhạc”, lac bruk daong ba abih hatai jai di jabat Pambuak bruk patagok di Thụy Sĩ daok di Việt Nam. Ini lac sa bruk ngak biak siam, daong khik ramik saong cakrok patagok khang kajap dom yaom glaong ilamu di Việt Nam dalam tuk mbeik drei tame dunya.

 Tui Nhạc sỹ Vũ Nhật Tân, bruk ngak veik hu dom alat ragam di bangsa meng kan lac jalan siam peih tabiak ka bruk patagok dom yaom glaong ragu ragam meng kan gheih mekre di bangsa Việt Nam. Min piah cakrok hu yaom glaong saong ba ragu ragam meng kan tame dalam jang tal bhap bini, brei hu bruk ba tangin tame di bhap bini.

Gam saong bruk ngak veik dom mbaik capi meng kan di bangsa, urak ini, kapul “Đông Kinh cổ nhạc” daok pambuak bruk haong mBan khik ramik ban klak Hà Nội peih dom danak dak parang me-in ragu ragam meng kan hu angan ieu lac “Nhạc tiếng tơ”, piah yaih khan tal bhap bini dom ragu ragam mekre di sap capi dây tơ , jeng yau dom ragu ragam meng kan di bangsa Việt Nam./.