Sa bilan ni mai, jalan ia pandar di bhap bini xã Nhị Hà, huyện  Thuận Nam, tỉnh Ninh Thuận gam ma-mbeik song mbau bruk. Piah hu ia pandar, mikva njauk mek ia tuh tame xô, hadei di nan, mek tapung halăng ia lai tame meng pandar hu. Sa xô  ia 20 lít, hadei di tuk buh sa kadung tapung halăng ia tame caik labaih 20 minite, gah ala xô  kandaong sa gluh prong hu sambo  nâu sẫm.  Blah khan patih mbong piah halang ia jeng sambo màu nâu xám. Amuk Đỗ Thị Hoàng daok di  xã Nhị Hà brei thau:

 “Huac lo oh khin ngak mbang huak, drei oh halang ye ia nyu nerak lô. Ia oh ngak mbang huak hu, menei jeng katan lo. Tuk urang mai mek jien ia, drei tangi sua ye urang lac kayua yau ini, kayua yau daih.  Bloh oh mboh pasiam veik.

Piah hu ginup ia pandar, bhap bini xã Nhị Hà brei ia tame danao caik dom harei, cang ia halang trun meng pandar piah menei, pabah. Pandar ia tapak piah menei pabah meng uranaih tal urang prong jeng tagok katal . Saai Trần Thị Trọng Hảo lac:

 “Labik ini oh hu ia halei karei, nan ye adei tuh tapa danao ia piah sa harei brei ka nyu halang trun, bloh mek tabiak piah menei pabah thau habar ni. Ia tapa halang jeng dok katan min nyu takik jang. Cong khin sang mac ia halang ia habar ka nyu abih katan.

         Meng di tuk rah tabiak bruk ia njom nerak, Ủy ban bhap bini xã Nhị Hà hu ngak bruk song gah pabak ia piah langyah. Min jiak sa bilan tapa, bhap bini xã Nhị Hà jeng dok pandar ia nerak. Ong Lê Quyết Thắng, Chủ tịch Ủy ban bhap bini xã Nhị Hà, huyện Thuận Nam, tỉnh Ninh Thuận brei thau: Mik va dalam xã yaok harei pandar ia  hu sambo màu katam kanyik song mbau bruk, oh siam ka pren yava. Lingiu di nan, mik va tathuak ia nerak tabiak gah langiu rilo, đồng hồ ia tago,  nan ye rilo sang njauk đóng jien phạt tra. Ong Lê Quyết Thắng ndom lac:

“Caong pasak Ia pandar song vệ sinh môi trường palei pala  tỉnh samar ngak ka pasiam veik bruk ia hu sambo katam song mbau bruk, khik caga pren yava ka mik va song brei hu jalan daong ka mik va pandar ia oh hacih nan, kayua ia nerak njauk tathuak klaak dom xô ia bloh meng pandar hu

Bhap bini xã Nhị Hà, huyện Thuận Nam cong khin Pasak ia pandar ong  vệ sinh môi trường palei pala tỉnh Ninh Thuận samar pasiam veik bruk ia njom nerak. Saong caong khin gah  y tế duah thau kayua halei hu sambo katam dalam ia, nyu jhak habar tal pren yava di bhap bini. Kayua ia meng halau tame jeng dok jangaih , min hadei di tuk vak xử lý ye ia nyu hu sambo katam./.