Pathau mik va song tong abih gauk! Bruk  rong pabui  jhuk di mik va bangsa Raglai tỉnh Ninh Thuận hu meng rilo thun ni mai. Gam song bruk rong palao di angaok hamu, oh pandar pandap mbang công nghiệp bo rilo meng lac leih brah, rup phun patei song dom janih njam patam di angaok  puh, kayua yau nan ye, rilaow pabui hu pahe, bingi hu pablei ka darah pasa biak khang oh lac dalam tỉnh bo dok di dom tỉnh ban gah merong. Urak ni rilawo pabui dok trun yaom, min yaom pabui jhuk yaom kaom dok tani tanat song hu tỉnh Ninh Thuận padang brei angan “ Pabui jhuk Bác Ái” Kadha vak di A  Sơn hu khan tal bruk ni, daa mik va song tong abih gauk tui pang:

Hợp tác xã dịch vụ sản xuất tổng hợp ngak nong Phước Đại, huyện Bác Ái, Ninh Thuận urak ni hu 2 trang trại rong pabui juk hu labaih 200 drei, dalam nan hu jiak  100 drei pabui jhuk pajaih. Langiu di nan, Hợp tác xã dok dong pajaih pabui juk , pandap mbang ka 10 boh sang thành viên hợp tác xã song 15 boh sang di  xã Phước Đại.

         Saai Dương Đình Hòa, di xã Phước Đại lac sa dalam dom boh sang rong pabui juk jak jeng di huyện bhum ceik  Bác Ái. Urak ni, tapon pabui jhuk di boh sang saai Hòa tagok hu 40 drei. Kayua Hợp tác xã dịch vụ ngak nong Phước Đại brei anek pajaih , pandap mbang song bao tiêu sản phẩm, nan ye bruk pablei salih hu tani tanat, ba mai kein liba glong ka boh sang. Saai Dương Đình Hòa brei thau:

"Boh sang drei pandar tuk vak laneing lanoi rong glang 40 drei pabui jhuk song pagam song hợp tác xã Phước Đại brei anek pajaih. Rilo tuk kan kandah ka bruk pablei tabiak ye hu hợp tác xã giới ba urang mai blei. Biak kein lagaih.

           Urak ni, xã Phước Đại, huyện Bác Ái hu labaih 1 ribau boh sang rong pabui jhuk min số lượng takik, oh ginup pabak ka darah pasa. Song yaom tui kuhria 100.000 đồng/sa kg pabui pajaih song 60.000 đồng tal 70.000 đồng/ sa kg rilaow pabui hơi, urang rong pabui juk kein liba biak glong.

 Meng akaok thun tal ni, Hợp tác xã dịch vụ sản xuất tổng hợp Phước Đại hu blei song pablei ka darah pasa labaih 1 tấn rilaow pabui jhuk song 300 drei pabui jhuk pajaih. Kayua rong palao dalam alam môi trường tự nhiên song mbang pandap mbang rilo meng lac leik, phun patei, njam puong  song dom janih njam glai, nan ye rilaow pabui juk bingi, mbau pahe đặc trưng, hu urang pandar dalam song langiu tỉnh biak takre. Anak tal, Hợp tác xã buh jien tabiak  sản xuất sơ chế, sik ngak pabui caik tame kadung hút chân không piah ba tabiak darah pasa, khik rilaow hu lavik jang. Ong Nguyễn Thanh Hòa, Giám đốc Hợp tác xã Dịch vụ sản xuất Tổng hợp Phước Đại- huyện Bác Ái, tỉnh Ninh Thuận lac:

 “Meng bloh  Sở Khoa học – Công nghệ  hu dong ka khol hulin padang angan je kapul nyaom ka pabui juk, bruk ngak ni biak prong ka janih pandap khol hulin ngak tabiak. Kayua yau nan ye, meyah lac hu angan je yau nan, khol hulin ba pandap di drei tabiak darah pasa biak sahaneng hatai , song tuai damuai biak sahaneng hatai tuk  pandar.

           Piah paglong yaom kinh tế ka rilaow pabui juk  Bác Ái, duah hu jien ndua tani tanat ka urang palei pala, meng bilan 10/2016, palei pala hu pambuak bruk song gah chức năng, Hợp tác xã dịch vụ sản xuất tổng hợp ngak nong Phước Đại padang angan je kapul nyaom pabui juk  Bác Ái. Bruk padang ngak jak jeng song khik ramik angan je kupul nyaom “Pabui jhuk Bác Ái” hu rik dong ka urang pandar tagok yaom kinh tế di pandap panda, dak harei dak peih prong darah pasa pablei salih rilaow, jang yau jhul pakhang bruk yaik khan pandap ngak nong meng kan di huyện Bác Ái di tỉnh Ninh Thuận./.