Bruk kan var hu di yaok urang tuk nao rivang sang sa-ai Hứa Văn Sắn daok di palei Patoh, xã An Hải, huyện Ninh Phước, tỉnh Ninh Thuận lac sa var limo hu 11 drei limek, siam. Sa-ai Hứa Văn Sắn brei thau: taphon limo ini hu meng tuk sang sa-ai pala phun rabung mang tây xanh:“ Dahlau diah sang ngak mang tay xanh jeng hu brei pajaih ka mikva saong daong khak drak ka sang kathaot kathaot pala blaoh drei blei veik ba nao pablei di Ban Gon. Meng nan, jien duah hu tani tanat.”

Sang sa-ai Sắn hu 4 sào taneh ye sa-ai pala abih phun măng tây. Min taphon limo dak harei dak caih menek rilo, brei hu hareik rilo ka nyu mbang, nan ye sa-ai buac klak tha sào phun mang tay piah pala hareik raong limo. Tui nan, yaok bilan yuak padai sa-ai nao blei meng 2 tal 3 hecta pong abih labaih 5 triệu đồng piah ginup ka limo mbang. Min bruk raong taphon limo jeng ngak ka sa-ai Sắn iek glang siam taneh pala phun mang tay jeng yau dom janih phun karei. Muk Từ Thị Thay, Kapul pala mang tay xã An Hải, h.Ninh Phươc, t.Ninh Thuan khan lac:“Sang ngak mang tay. Hu diuk pasang sa-ai Sắn, muk Phận blei veik, daong ka mikva urang ngak mbang cak rok patagok.’’

Birau ini, meng kadung jien daong urang nong tỉnh Ninh Thuan, sa-ai Hứa Văn Sắn dang tabiak padang kapul pala phun măng tây di palei Patoh saong blei veik mang tây di mikva. 20 baoh sang dalam kapul tok hu mesre yaok sang 20 triệu dong nan ye sa-ai Sắn njauk buh jien pabak tame piah peih praong taneh pala mang tay. Meng jak jeng tuk camereip dalam bruk pandar ilamu cong nghe pruh ia patak pataom, sa-ai Sắn padang kapul jum pataom, blei veik mang tay di mikva piah ba nao pablei di Ban Gon saong Da Lat. Ong Nguyễn Văn Tính, Akok ban kinh tế -xa hoi, kapul urang ngak nong tinh Ninh Thuan lac: “ Mang tay hu tuk hu rilo labik mai duah blei, min oh ka hu labik halei pambuak bruk blei hu suai lavik saong urang nong. Dahlak kham merat duah labik pambuak bruk siam abih piah blei pandap di urang nong.”

Sang sa-ai Hứa Văn Sắn, meng sa baoh sang urang ngak nong kan kathoat tuk camereip tok hu 500 met vuong taneh urak ini  jeng baoh sang kaya meda di palei Patoh. Palei Patok  harei ini hu labaih 90% baoh sang duah hu jien tani tanat, dalam nan hu jaik 33%  baoh sang kaya meda. Bruk njauk biai nan lac, dalam palei sang halei jeng hu ngak jalan pruh ia patak pataom piah pala drak yau sang sa-ai Hứa Văn Sắn.