Njauk peih praong mo hinh tổ, kapul jum pataom di tasik

Anak bruk jien xăng menyek abih rilo, kaya ikan jaik takai tasik dak harei dak takik, bruk padang dom tổ, kapul jum pataom taong cap livik harei angaok tasik atah di Ninh Thuận patagok hu kein laba; daong ka urang ngak ikan patak pataom jien buh tame saong paglaong kaya ikan taong cap. Kadha vak di Văn Cảnh-Hoài Hương -urang pambuak bruk saong rayo sap ndom VN daok di Tỉnh Ninh Thuận.

Langiu bruk daong gauk tuk gaok bala, dom urang dalam tổ bhian brei ka gauk thau tuk mboh hu luồng ikan piah ba gauk taong cap. Meng hu mô hình tổ, kapul jum pataom, oh lac patak pataom hu jien buh tame bo taong cap hu rilo jang. Urang ngak ikan angan Huỳnh Phượng daok di xã Tri Hải, huyện Ninh Hải, tinh Ninh Thuận brei thau: " Padang tổ, kapul jum pataom taong cap hu rilo jang; ka dua tuk tasik hu ngin ribuk ye khan brei gauk thau piah adei saai ba gauk plaih ngin ribuk”

Yaom lac hu 3 kapal ikan hu công suất labaih 300 CV, min urang ngak ikan angan Lê Minh Trí daok di xã Thanh Hải, huyện Ninh Hải jeng mboh lac bruk taong cap eng drei di tasik oh hu kein laba. Thun 2015, hu karja daong jien tui Nghị định 67, ong Lê Minh Trí hu mesraiy labaih 12 tỷ đồng, ngak  sa kapal ikan tra hu công suất 829 CV piah padang tổ jum pataom tabiak tasik taong cap saong ba mai kein laba, mbang tabiak tasik halei jeng hu laba. Ông Lê Minh Trí brei thau: “Urak ini karja brei  dahlak mesraiy ngak sa sruh kapal 829 CV, piah dahlak tabiak tasik jia lac kinh tế hu siam lagaih jang. Taong cap di tasik atah kein laba glaong jang saong rik daong khik caga chủ quyền tasik pulao.

Tỉnh Ninh Thuận urak ni hu jaik 2.745 sruh kapal taong cap ikan hu công suất abih tih labaih 281.500 CV saong 98 tổ jum pataom haong jaik 400 sang ngak ikan pataom tame. Dom thun tapa, meng peih ngak mô hình tổ jum pataom saong peih praong mblang taong cap yau nan ye nang suat taong cap kaya ikan hu sản lượng glaong. Kuhria dalam bilan 4/2016, hu mblang taong cap siam lagaih gam saong bruk peih ngak mo hình tổ jum pataom, urang ngak ikan dalam tỉnh taong cap hu jaik 5.200 tấn kaya ikan dom janih, samu 179 % duk saong dom bilan ini thun dahlau, patagok abih tih kaya ikan dalam ia taong cap hu meng akaok thun 2016 tal ini lac 16.000 tấn. Ông Lê Hồng Phong – Phó akaok Chi cục Khai thác saong khik caga kaya ikan dalam ia tỉnh Ninh Thuận ndom lac, langiu bruk doang gauk ka mblang taong cap di tasik, daong gauk drah samal tuk gaok bala angaok tasik saong abih di nyu nan lac daong gauk nao tasik :“Dom urang dalam tổ, kapul nyaom jum pataom daong gauk ngak dịch vụ hậu cần di tasik piah dom kapal daok veik nao tasik, taong cap livik harei di tasik.

Bruk padang mô hình tổ, kapul jum pataom taong cap kaya ikan angaok tasik hu ba mai kein laba. Yau nan ye njauk hu sarak daong, pachreih urang ngak ikan pataom mbaok tame, peih praong mblang taong cap, paglaong nang suat taong cap saong rik daong khik caga chủ quyền tasik pulao ginreih di taneh ia./.