Jru pacang metian nan lac palih ruah di ralo adei sa-ai kumei piah pacang "metian" langiu hatai caong. Min oh njauk lac thei jeng thau piah pacang hu metian yau hatai caong.

Tapa pasang iek yaok ribau urang kamei umo meng 16 tal 54 thun hu mboh sa kadha njauk suh sah nan lac ralo adei sa-ai kumei oh ka thau atau thau oh njauk ka jalan pacang caga metian chip. Hadei di ini lac dom langyah di dom  urang hu ilamu piah daong ka adei sa-ai plaih dom jalan sahneng oh njauk ka jru pacang caga metian chip:

Langiu dom asar jru pacang caga metian chip, drei daok meda caik vòng pacang metian (IUD) chip. Ini lac sa dụng cụ chuyên dụng sit, hu ngak meng chất dẻo saong bal, meda caik tame tử cung di urang kumei tal 5 harei hadei di tuk ndih daok haong gauk oh an toàn. Drei meda palih ruah vòng IUD yau jalan pacang metian bhian randap dalam 5 tal 10 thun.

Dom roh duah jaik di ini brei mboh lac, labaih 1/3 dom urang kamei jia lac, urang brei hu bruk tacei pato di bác sĩ chuyên khoa meng hu pandar jru pacang metian chip. Yau nan min, anak meta mboh lac, urang meda blei hu dom janih jru pacang metian chip daok hu adat pablei di dom labik pablei jru bo oh cang tal đơn jru di bác sĩ. Dom roh duah y khoa saong gah adat hukum brei thau cambaih, ini lac sa jalan ngak piah pacang caga metian saong oh hu mong lac nạo, phá thai. Kayua nạo, phá thai lac sa jalan ngak piah plaik anek daok metian saong meda rah tabiak hadei di tuk baoh hu thụ tinh nyu tame hu dalam tử cung, nan ye nyu karei jang bruk pacang metian chip.

Dua janih jru pacang metian chip urak ini daok hu pablei di darak pasar mboh hu siam lagaih yaom lac hu menyum meng 3 tal 5 harei hadei di mbang ndih daok haong gauk oh an toàn. Yau nan min, dom urang ilamu kakei lac, urang kamei menyum jru pacang metian chip dak samar ye bruk pacang metian dak siam jang.

Sa janih jru pacang metian chip hu anagn iew lac Levonelle, jru ini adei sa-ai kumei meda  pandar ralo mbang dalam sa kỳ kinh tui hatai caong khin. Min sa janih jru pacang metian karei hu angan ellaOne hu panuac kakei oh brei pandar rilo jang 1 mbang dalam sa kỳ kinh atau dalam tuk daok pandar jru Levonelle. Dom adei sa-ai njauk caik hatai  thau lac drei daok hu dom jalan ngak karei piah pacang metian.

Jaik abih dom chuyên gia jeng hu panuac kakei adei sa-ai kumei juai brei ka anek mum dalam sa adit hadei di tuk menyum jru pacang metian ellaOne. Min jru Levonelle pandar hu ka adei sa-ai daok brei anek mum. Jaik 2/3 dom urang kamei hu sua tangi jia lac, urang meda oh daok metian hu kayua pandar rilo mbang jru pacang metian chip. Min tui dom urang ilamu, bruk pandar jru rilo mbang meda ngak khut chu kỳ kinh nguyệt di adei sa-ai kumei, min oh ngak brei urang oh daok metian hu. Yau nan min jeng njauk caga dom tác dụng phụ di jru pacang metian chip, yau taglaoh ta-aok, tử cung tabiak darah bất thường, kì kinh salih karei atau pandik cada, pandik akaok, huan akaok, glaih glar…/.