Nong nghiep cong nghe glaong – jalan nao barau di Binh Thuan

            Tỉnh Bình Thuận hu labaih 677.000 héc-ta taneh ngak nong, min kein laba di bruk pala drak jeng oh ka glaong, kaya nong ngak tabiak takik siam saong takik hu pren meriak gauk di darak pasal. Kayua yau nan ye, dalam tuk mbeik drei tame dunya, tỉnh Bình Thuận jeng  thau patagok ngak nong cong nghe glaong lac jalan nao njauk, yam tal dak apdang gah ngak nong khang kajap. Kadha vak “Ngak nong cong nghe glaong – jalan nao barau di Binh Thuan” di Viet Quoc, urang vak di rayo sap ndom VN daok di ban raya HCM brei thau ka bruk ini, daa mikva saong grauk yut tui pang :

        Xã Sông Bình, huyện Bắc Bình, Bình Thuận lac libik Công ty cổ phần sữa Thông Thuận buh tame labaih 3.000 tỷ đồng padang khu phức hợp ngak nông công nghệ glaong raong limo mek ia tasau saong ngak dom pandap meng ia tasau. Di angaok taneh praong 800 héc-ta, công ty ini hu pah Tập đoàn Delaval di Thụy Điển thiết kế libik raong, pilih ruah pajaih saong jao brei 20.000 drei limo ia tasau blei meng Mỹ. Libik pala hareih, pala tangei raong limo daok hu peih ngak. Ông Lê Bảo Nguyên, Phó Tổng giám đốc Công ty cổ phần sữa Thông Thuận lac:  Di labik ini kol dahlak pasang iek mboh lac lingik tasik saong taneh riya biak lagaih. Pandiak ấm luac thun meng 25-32 độ biak siam. Độ ẩm biak bair, lagaih ka bruk raong limo. Kol dahlak jeng biak uan tabuan hu Uy mban bhapbini tỉnh, Sở ngak nong daong piah ngak hu dự án cong nghe glaong di ini.

      Daok di bhum hoang hóa dalam khu Lê Hồng Phong (xã Hòa Thắng, huyện Bắc Bình), sa urang đầu tư nông nghiệp langiu tỉnh jeng hu mai tal ini padang sa libik ngak nong công nghệ glaong ngan saong taneh ngak labaih 60 héc-ta. Pô trang trại hu pala iek dahlau 1,5 héc-ta thanh long hacih, 3 héc-ta ổi, 5 héc-ta đinh lăng saong tam kai lưới meng công nghệ glaong brei nang suat rilo jang dua mbang duk saong pala mengkan. Ông Phạm Văn Minh, Tổng giám đốc Công ty cổ phần ngak nong công nghệ glaong Đông Á brei thau, dalam thun ini meda peih pala veik 5 héc-ta tamkai lưới dalam sang màng saong patagok taneh pala thanh long Organic. Ông Minh lac : Kol dahlak pataom tame ngak habal piah paglaong chất lượng, patagok kein laba di sa taneh pala piah pandar hu công nghệ tame ngak nông .)

 Meng sa bhum sa mạc hóa, meng công nghệ pruh patak pataom saong pala drak công nghệ glaong, mô hình di ông Phạm Văn Minh ba mai kein laba daok pachreih ka tỉnh Bình Thuận ngak đề án padang libik ngak nong pandar cong nghe glaong Lê Hồng Phong praong 2.000 héc-ta. Sản phẩm di libik ini lac công nghệ saong pandap công nghệ glaong duh ka ngak nong, pagap ye : pajaih phun pala hacih ruak chat luong glaong, bimao, phun jru, cong nghe pala njam hacih…Jalan ribaong ia atah labaih 20km nao tapa libik ini barau ngak blaoh meda duh ka đề án.

Gam saong nan, tỉnh Bình Thuận jeng hu padang libik pala thanh long an toàn praong 10.000 héc-ta di dua huyện Hàm Thuận Nam saong Hàm Thuận Bắc. Tapa nan, tỉnh hu ieu dom gah đầu tư tame pala thanh long tui jalan ngak nong cong nghe glaong tapa bruk pambuak gauk di doanh nghiep saong urang nong piah patagok yaom pablei tabiak taneh ia langiu. Gah ngak nong tỉnh daok pataom jien padai hu blaoh urak ini, kham merat ngak tui jalan ini. Ông Mai Kiều, Giám đốc Sở ngak nong saong patagok palei pala tỉnh Bình Thuận brei thau : Tỉnh Bình Thuận tabiak bruk pandar abih dom phun jien daong meng gah langiu saong patagok pren hu blaoh di tỉnh tapa bruk pablak tame, ngak siam jalan ngak, sarak di Đảng saong karja. Dalam nan hu danakdak padang ngak palei pala barau, bruk rami ramik veik gah ngak nong di rajaei, pataom dom phun jien meng dom danakdak piah peih bruk ngak nong cong nghe glaong.

Urak ini, dom libik hu quy hoạch patagok ngak nong công nghệ glaong hu  ngak hệ thống thủy lợi khang kajap saong tỉnh Bình Thuận hu sarak ưu đãi ka gah ngak ini. Ini lac jalan palagaih piah pachreih dom gah đầu tư patagok ngak nong cong nghe glaong dalam harei hadei di Bình Thuận./.