Pathau mik va! Tui kuhria mboh di Cục rong glang ( mintri ngak nong soong patagok palei pala), dalam thun 2015 song 2 bilan akaok thun 2016, tapa pasang iek meng dom puk palei song Cục rong glang mboh lac, dalam 1.893 labik pasang iek,  hu 58 labik pandar chất cấm (samu 3,1%) dalam nan rilo meng pandar Salbutamoll song pandar takik chất Vàng ô. Njauk  rong glang tui jalan VietGap, khik iek catang song patrun patakik bruk pandar chất cấm, kháng sinh pamong tal bruk oh pandar kháng sinh dalam bruk rong glang lac panuac kakei di mintri ngak nong song patagok palei pala.

Tui ong Pham Huy Thông – Giám đốc pasak pachreih nong negar, bruk hacih saat pandap mbang jeng sa bruk hu menuac sia caik hatai sangka di abih, tuk dom bruk njuak jru mek gam gam rah tabiak kayua mbang pandap mbang oh hacih saat, abih di nyu nan lac dalam pandap mbang hu chất cấm, lac makna ba tal labaih chất cấm song kháng sinh di menuac urang.

Piah patrun bruk pandar rilo kháng sinh song chất cấm dalam rong glang, bruk jhul khang pathau khan ka tác hại di bruk pandar chất cấm song labaih kháng sinh dalam rong glang lac bruk njauk ngak. Taphia di nan, njauk tacei pato ilamu kỹ thuật ka dom boh sang rong glang tui jalan an toàn sinh học,  rong glang VietGap. Meng nan, dong salih akaok sahaneng ka urang rong glang, sangka tal chất lượng pandap panda, paglaong kein laba, dong patagok bruk rong glang khang kajap. 

  Mik va rong menuk ada, athur rong, ikan hadang brei caik hatai sangka, oh pandar chất cấm, kháng sinh dalam rong glang. Dom jabat, dom boh sang rong glang brei thau cambaih dom quy định ka bruk khik ramik di karja, peih ngak biak siam bruk rong glang an toàn sinh học, kayua bruk pandar biak rilo kháng sinh oh lac abih rilo jien padai bo dok ngak jhak tal pren yava urang pandar. Dalam thun 2016, mintri ngak nong song patagok palei pala brei ngak catang piah palahik bruk pandar chất cấm dalam rong glang song meda hu jalan ngak piah pasang iek gam gam yaok bilan. Taphia bruk ba tabiak dom jalan langyah catang jang, padang dom kapul pasang iek dom sang mac, trang trại, mek mẫu ba nao dut iek song langyah, patagok bruk pathau khan tal bhap bini, urang rong glang. Mintri jeng hu dom jalan ngak piah pambuak pagam song sản xuất tui chuỗi piah dong ka dom boh sang rong glang pambuak pagam song dom cơ sở chế biến piah ba pandap hacih tal urang pandar./.