Padang mbang ngui meng 2 ha taneh kayua ong muk amaik ame caik veik min meng hatai kham merat ngak kaya meda angaok taneh palei drei, ong Đinh Công Tâm kham merat duah thau ka taneh riya, ka lingik tasik bloh ong pala pa-aok 3 mùa. Lac urang tari tarieng, sami samar, oh huac kan kandah, ong ba ilamu kỹ thuật bahrau tame bruk pala phun. Yaok thun trang trại pala pa-aok di ong Tâm paik  mek hu 30 tấn sa ha, laba hu meng 150 tal 200 triệu đồng sa thun. Meng nan, sang ong Tâm oh lac tabiak truh kan kathaot bo daok yam tagok kaya meda. 

Oh lac ngak kaya meda ka sang drei, ong daok kham merat hu mbaok tame dom bruk XH saong pato veik ilamu pala drak, daong ka mikva gam patagok kinh tế. Ong Đinh Công Tâm brei thau: “Patak pataom tui jalan yaok baoh sang rik tame hasit saong brei ka dom baoh sang kan nyim piah daong gauk ngak mbang.

Meng ilamu, hatai hadah saong angan je di drei, ong Tâm hu bhap bini dalam xã Túc Trưng pok ngak akaok kapul urang nông  xã, Chủ nhiệm klup kapul pa-aok năng suất glaong. Meng dom bruk ngak siam, ba mai kein laba di drei, ong Tâm hu karja palei taong yaom glaong. Ong Đoàn Thanh Hoàng, phaok akaok UB bhap bini xã Túc Trưng, caong khin ong Tâm daok patagok pren khang, hatung hatain siam mekre di drei, daong ba mikva sản xuất, pablei salih: ong Tâm urak ini lac urang hu angan je dalam bhap bini bangsa takik di xã.

Meng dom bruk ngak hu, ong Đinh Công Tâm hu alin brei ralo harak meyaom di huyện Định Quán saong tỉnh Đồng Nai.  Dom kreih camin ngak mbang pablei salih joi yau ong Tâm lac pren khang pachreih ba bhap bini dom bangsa takik daok di Tỉnh Đồng Nai, oh padeih pakacah ngak mbang pablei salih naih joi, jum pataom daong ba gauk patruh eik patrun kathaot, yam tagok ngak kaya meda./.