Ong Chàm Du Số hadar veik: tuk bahrau mai dok di bhum Kênh Đào, tuk ni bahrau hu labaih 500 boh sang, mik va rilo meng daok di Bình Di, Bắc Đai, Đồng Ky… bhian randap song bruk tarah ikan song pablei salih angaok gaiy. Mai labiik ni, yaok bruk jeng bahrau abih, meng mbang, ndih, tal bruk ngak mbang, ngak huak, mik va njauk ngak veik meng tuk camereip.  Meda lac, sang halei jeng kurang sap janih, hu oh takik urang mboh suh sah.

          Kênh  Đào lac “ Bhum kinh tế bahrau”, menuac sia takik, puk palei joa lange, urang mai ni piah nyaik mesruh metak. Tuk nan, ong Hakiem sang megIK Al Mukminin lac ong Mách Sa Lế, bruk camereip di abih jeng lac tani tanat labik mbang, labik dok, bloh meng kuhria tal bruk harei hadei. Ong Chàm Du Số khan lac:

 “ Bhian langyah ka mik va thau sarak, hukum di Đảng song karja, pachreih ba abih gauk kham merat ngak mbang, patrun bruk klak palei sa mbang tra”

Bloh, dom mbang ia ndik praong tapa nao, urang Chăm sahaneng lac kan tabiak truh hu raidiuk mbleing mblang angaok sruh gaiy kak kajap haong drei meng dom rai ini mai. Lavik livik harei, sang ini bloh tal sang daih hu brei taneh pala drak,  gam song bruk pablei salih, rai duik dak harei dak tani tanat , bloh hadah hadai tagok.

Ong Chàm Du Số lac menuac di Bình Di, jeng hu raidiuk dreih yau bhap bini Chăm di bhum tapen negar mai daok di palei bahrau. Duah jalan duik rai, mik va ngak ginup bruk, meng pala drak, rong glang, pablei salih…tal tarah ikan…, bruk hagait jeng thau, oh joi, min duik hu. Meng bruk sangka dong ba di huyện Châu Thành song xã Vĩnh Hanh, mik va Chăm di Kênh Đào hu tacei pato ilamu kỹ thuật, pabak ka bruk pala drak song rai duik. Dom urang dalam mban quản trị sang megris Jamia Al Mukminin halan hatain pambuak bruk song tacei ba mikva ba ilamu bahrau tame bruk ngak, dalam nan hu ong Chàm Du Số. 

Meng dom danak dak patagok bhum  bhap bini bangsa takik, rai duik di urang Chăm dok di Kênh Đào jeng ginup meda tagok. “ Rai duik mik va ginup meda, yaok janih hu salih bahrau.Talei pambuak bruk bhap bin,i janih siam gheih meng kan hu khik ramik song patagok” ong Chàm Du Sos brei thau. Bruk njauk biai di mik va Chăm dok di Vĩnh Hanh lac tui agama Islam, urang likei nao ngak mbang duah jien raong sang, urang kamei  glang iek bruk sang song iek glang anek bhik bac daa. “ Drei mek bruk gheih, bruk siam ndom ka abih gauk thau, yau ye bruk boh sang kham ngak mbang, siam mekre dalam puk paga, bhap bini jum pataom, njaik atah tệ nạn xã hội…”

Urak ni, urang Chăm di Kênh Đao hu 206 boh sang song 1.055 urang jeng lac hu asal mai meng krong Bình Di, xã Khánh Bình, song 40% hu taneh pala drak, rong glang, dok 60% ngak bruk pablei salih. Tui ong Chàm Du Sos, cơ sở hạ tầng di tuyến dân cư hu ngak salah bloh, pabak hu bruk mbang ngui dok dang di mik va . “Kak kajap haong labik ni, labik dok laneing lanoi, labik klak sit sot lo. Bruk salih bahrau ni thei jeng mboh, biak bui sambai”, ong mboh yau nan. Abih di nyu nan lac, bruk tabiak truh baoh gaiy mbleing mblang angaok krong ribong, tagok thu padang mbang ngui, lac sa bruk salih prong ngan song mik va Chăm

Lac Hakiem sang megris Jamia Al Mukminin, ông Chàm Du Số song karja palei, dom kapul nyaom di xã Vĩnh Hanh jak ba mik va hu mbaok tame bruk “ Tong abih bhap bini jum patom dak padang rai duik ilamu di labik dok” pathau khan dom sarak, hukum di Đảng song karja, paglong bruk  “jum patom abih bangsa”, pachreih tui dom bruk pakacah gauk anit ranam taneh ia… Meng dom bruk ngak kayua bhap bini, Hakiem Chàm Du So hu tỉnh An Giang alin brei harak meyaom ka bruk “Điển hình tiên tiến pakacah gauk anit ranam taneh ia”./.