Yau dom boh sang urang Cam ngak nong di palei Tuấn Tú, dahlau deih sang  ong biak kan kandah.  Luac thun pala drak tui jalan meng kan song bhum taneh thu lagu, mbang tui ia langik, ia bingun kuac raok, nan ye bilan njauk, bilan oh, tuk njauk jeng ginup mbang. Harei melam ong sahaneng duah jalan ngak bahrau piah ba tame bruk pala drak duah jien rilo jang ka boh sang.

Thun 2010, kapul urang nong tỉnh Ninh Thuận peih ngak Dự án “yaik khan bruk pruh ia patak patom ka urang kan kathaot Nam Trung Bộ di Ninh Thuận” kayua kapul International Development Enterprises (IDE) di Mỹ dong, hu peih ngak di 9 boh sang urang nong daok di xã An Hải.Ong lac sa dalam dom urang camereip hu tame dự án. Tapa sa vụ pandar, jalan pruh ia patak pataom hu kein rilo jang dut song pruh ia yau meng kan. Ngak tui bruk ini meda patak pataom hu meng 40-45% ia pruh, patak pataom hu 30% jien điện, patrun patakik bruk pandar jru khik caga phun pala kayua tuk pruh nyu ngak patrun biak rilo côn trùng palai kaik song patrun khak drak. Hadei di tuk thu hoạch, mboh năng suất phun pala glong jang rilo dut song dahlau deih, yau ratak laow  tagok meng 30-35%, lasun hala hu rilo jang 20-30%, boh traong ndaiy tagok  35-40%...Meng labik pala drak 2 vụ dalam thun, tui ilamu bahrau nan, sang ong hu pala rilo vụ tui bilan di yaok janih phun pala, laba hu labaih 200 triệu đồng sa thun.

Ngak mbang hu laba, jien mek tame rilo jang, ong Ky ginum  song diuk anek blei taneh piah pala drak. Urak ni, sang ong  hu labaih 2,5 ha taneh pala rilo janih yau : njam sabei, ratak laow, măng tây xanh.  Meng pala njam pambuak song rong glang, yaok thun sang ong duah hu labaih 200 triệu đồng. Meng nan, ong padang hu boh sang praong, hu ginup pandap panda. Ong hu 3 urang anek, urak ni dok bac đại học, cao đẳng di ban raya Hồ Chí Minh.

Oh lac ngak kaya meda ka drei, ong Hùng Ky dok kham merat tacei pato ilamu ka rilo boh sang urang nong dalam palei. Urak ni, jiak 200 boh sang di palei  Tuấn Tú hu ong dong pambak prong jalan ngak ni.  Ong Ky khan lac:

Băng tiếng Chăm :

          Lac sa urang  dalam Hội đồng quản trị Hợp tác xã njam hacih saat Tuấn Tú, ong Ky bhian jak ba dom  xã viên hu mbaok tame dom mô hình yau : pruh ia patak patom, pala  măng tây xanh, njam patam piah patagok kinh tế. Ong hu pambuak bruk song Công ty trách nhiệm hữu hạn Linh Đan pabak pajaih  măng tây xanh F1, saong blei veik măng tây xanh di labaih 20 xã viên ngan song taneh pala labaih 5 hecta.  Urak ni, ong song dom urang dalam Hội đồng quản trị Hợp tác xã njam hacih saat  Tuấn Tú dok nao taom gaok dom đại lý pablei khak drak, piah blei khak dong ka dom boh sang  xã viên hu rai duik kan kandah, dong ka dom urang nan sahanang ngak mbang, patagok KT boh sang. Ong Từ Công Hay – xã viên Hợp tác xã njam hacih saat Tuấn Tú brei thau :

Băng tiếng Chăm :

Meng dom bruk ngak hu yau nan dalam ngak mbang, pala drak, rilo thun gam ong   Hùng Ky hu pok brei angan lac urang nong ngak mbang naih joi di huyện, di tỉnh. Jalan sahaneng, jalan ngak gheih di ong daok hu mik va Chăm palei Tuấn Tú, xã An Hải song urang nong tỉnh Ninh Thuận bac megru, ngak tui./.