Ông K'Sớ, bangsa Mạ, daok di bon B’Dơng, xã Quảng Khê, huyện Đắc G’long, tỉnh Đắc Nông lac sa urang nong ngak mbang naih joi. Sang ông brei taneh peih jalan padang ngak palei pala barau, daong jien saong tacei mikva ngak kinh te. Dalam kadha “ kreih camin palei negar” adit ini, hu kadha vak di Thế Thắng, urang vak di rayo sap ndom VN ndom ka ông:

   Ông K’sớ khan lac : sang dahlak dahlau diah pala hu 3,5 sào hecta cà phê saong raong  limo, pala tangei blaoh pala phun katut harei yau ritak, nan ye jeng hu rilo bruk drei ngak hu. Dahlak raong 30 drei limo, pandar khak limo drak ka phun café piah trun takik phun jien, bo nang suat jeng glaong.

     Thun 2015, sang ông mek tame hu labaih 12 tấn cà phê, jien laba meng dom janih pala drak, raong glang jaik 400 – 500 triệu đồng. Ông lac njauk pasram, megru piah mai ngak, abih di nyu nan lac dom ky thuat biak glaong. Dahlau diah, nang suat biar, min meng tuk pandar ky thuat ye nang suat glaong jang.

      Mikva Bon B’dơng anit ranam, pok je ông, kayua dom sang kathaot lac sang ông daong limo piah raong. Thun bloh, ông brei ka sa sang, pablei lap ka dua sang piah mikva raong, saong caong lac hadei ini mikva jeng patagok kinh te yau drei. “dahlak jeng jak ba mikva ngak mbang, tacei pato mikva pasang iek café. Drei caong khin kein laba ye njauk bac megru, pasram ky thuat. Dahlak jeng jak ba mikva pandar alamu ky thuat yau nan ye palei Bon kol dahlak urak ini hu café biak rilo” ông khan lac yau nan.

    Padang ngak palei pala barau, sang ông saong mikva hu taneh 2 gah jalan alin brei taneh ngak jalan. Ông daok hu daong radaih, pajeng ia piah ngak jalan nan. Mikva  rik daong pren yava. Mikva hu ngak jeng jalan atah 570m. Thun 2016, sang ông pala sa hecta amraik kalu. Geng hu blei bloh, phun pajaih hu pala meng thun bloh, lubang jeng hu caoh bloh…Ong daok kuhria blei veik limo lai…

Thúy Linh