ÔNG TAHA URANG DAO LABAIH 40 THUN PALA GLAI KHIK TANEH PALEI NEGAR

 Di xã bhum glaong Tân Dân, huyện Hoành Bồ, Quảng Ninh hu sa urang taha bangsa Dao hu labaih 40 thun pala phun, khik caga glai kayau lim, sến, dó trầm anak dom bala meng lingik tasik saong kol meblah glai. Ông lac Triệu Tài Cao, urang diukrai biak giản dị yaom lac ngak po glai yaom yaok tỷ đồng. Trường Giang urang vak di rayo sap ndom VN daok di bhum Đông Bắc hu kadha vak di tuk uan harei dunya urang praong thun 1/10.

Ông Triệu Tài Cao hu khan lac: Wa Ho tabiak bruk  “ Sang sang pala phun” dahlak daok pak ini pala phun lim, dom janih kayau quý sến táu blaoh dom janih phun jru. Yaok thun dahlak mek labung, mek krem pablei, daok lim lac caik veik.

-Ông Triệu Tài Cao gam khan gam ba kol dahlak tame glai, yam takai medheis dheis min khang kajap. Thun ini ông 77 thun, hu daok abih rai di taneh Bằng Cả, Tân Dân, kak kajap saong dom glai ram meng tuk daok sit.

-Dahlau daih, huyện Hoành Bồ lac libik “ glai gireih ia độc” hu dom phun lim, kayau quý danei angan grauk libik. Min, blaoh mikva cuh glai ngak puh pala tangei, pala bei plom blaoh menuac urang ba gauk mai ngak, mek nao dom kayau praong dom urang kuan. Mboh glai lipih nao, ông pandik harao rilo gam kham merat oh caik ka urang kaoh jah glai likuk sang, gam tame glai pataom mek dom phun meda lim, sến, táu, dẻ, ba mai pala vil tam dhar sang drei.

-Daok la taphia phun lim jaik 50 thun, phun glaong tapak jaik tal lingik, dhar praong pacang halui, ông khan lac meng dom thun 1968, ông iek dom phun glai ini yau anek di drei. Dahlau thiah hu pok ngak Chủ nhiệm Hợp tác xã lâm nghiệp di xã rilo thun gam, ilamu ka lâm nghiệp oh rilo min  ông biak tari tarieng duah thau, bac megru. Tuk camreih, phun tamuh lipih, min lingik oh klak suan menuac, asar laik trun phun tamuh tagok, glai tui nan tamuh tagok hamiet.

-Tal dom thun 80, Karja hu sarak jao taneh ka bhapbini khik caga, pala glai. Urang pakacah gauk pala keo piah samal hu laba, daok ông jeng daok khik taneh glai jaik 30ha rabha ka dom anek drei pala lim saong phun dó bầu.

-Mek katut raong atah, ông Cao sahaneng lac pala phun oh lac dalam dua klau, njauk sahaheng tal kein laba suai livik bo ngak. Urang khin blei ông oh pablei, urang ndom lac ong gila ông oh caik hatai. Hu tuk, hu oh takik menuac brei panuac lac jah kaoh glai di ong, ông saong anek taco drei padang paga, nao iek khik caga. Ông hadar yaok phun, vết u ini kayua dom adei sit mein paneh mbjam talei su, phun ini bair kayua tanyak taong papaok kanduh. 

-Tal urak ini, mbon ceik dahlau daih hu yaok barau phun lim praong hu đường lính meng 30-60 cm, yaok rabau phun dó bầu jaik gauk. Rilo phun dó bầu daok brei trầm hương, ông jeng caik nan oh mek abih piah pablei mek laba.Tui yaom darak pasal, urak ini glai lim meyah pablei ông jeng mek jien tame hu jaik 6 tỷ đồng

-Ba tuai mai baoh sang daok anak glai, ông Cao yaih khan 5 haduk sang hu jaik 50 thun, tabung trak rêu phong klak min biak halui li-an bingi, harei harei raok sap cim tanyi meng glai tame sang. Ông lac, tok pak ini meng hu, yam dom takai yam lac tagok ravang glai, anek taco drei jeng daok pak ini, khik glai khik taneh yau hatai caong di ong.

Ndom ka ông Triệu Tài Cao, Chủ tịch UB bhapnini xã Tân Dân, huyện Hoành Bồ, ông Linh Du Hồng brei thau:

# Băng: Ông Triệu Tài Cao lac kreih camin hadah, ông oh lac khik caga glai tự nhiên bo daok pato veik ka anek taco dom bruk mengkan, adat cambat tanarakun di puk palei. Anak tal Đảng ủy, UB bhapnini xã jeng tabiak bruk pagam libik glai di ông Triệu Tài Cao tame tuyến du lịch sinh thái, du lịch khám phá trải nghiệm, patagok kinh tế siam jang.

-Huyện Hoành Bồ palei ông urak ini hu tỉnh Quảng Ninh brei adat padang dom tuyến du lịch ilimo, sinh thái. Hamit yau nan, ông taha urang Dao khim klao, blaoh anak tal, glai di ông meda raok dom tuai atah, hu dom urang mbang akaok meraip hu maong glai lim hijao, meda takre saong daok rik pren khik caga glai ka rai hadei. “ hu sa phun lac hu glai saong glai meda tagok hijao, glai meda khik taneh palei negar”./.