Langik pandiak, labik oh hacih  ngak ka pandap mbang mbuan khut, ma ih, mesam. Abih di nyu nan lac ngan song dom uranaih takre mbang lingiu quán mbuan ba tal taaok, chraoh aik, kiết lỵ.

Dom bruk Amaik ame njauk ngak

Meyah uranaih aik chraoh, amaik hadar brei anek menyum ia rilo jang yaok harei. Meda brei anek mum amaik rilo jang song menyum dung dịch Oresol, ia bai, ia bu, sữa đậu nành, sữa chua, cam vắt (buh hasit saradang), ia li-u...piah pacang caga uranaih lihik ia kayua aik chraoh

        Amaik brei uranaih menyum sit sit, jhui pacap  uranaih menyum rilo, uranaih nyu huac song glaoh taaok. Meyah uranaih ta- ok, brei uranaih padeih dom minite dalhau di tuk brei menyum veik.

        Brei uranaih mbang rilo var jang yaok harei piah uranaih hu pren pacang caga ruak, samar abih ruak.

        Liều lượng pandar dung dịch Oresol:

Lai sa pok dung dịch Oresol song sa lít ia riak jru caik liar. Hadei di yaok mbang uranaih nao jaman, amaik brei uranaih menyum yau ni:

        Ngan song uranaih umo ala 2 thun:  meng 50 tal 100 ml sa mbang

        Uranaih meng 2 tal 10 thun: meng 100 tal 200 ml sa mbang

        Uranaih labaih 10 thun:  menyum tui hatai mbiah tal tuk abih mehu ia.

        Njauk khik ramik hacih saat dalam bruk mbang menyum, mbang tasak, menyum tasak. Anek khin mbang pandap hagait, amaik blei mai sang ngak ka anek mbang. Jui brei anek mbang di gah langiu quán xá, abih di nyu nan lac dom labik langiu jalan hu rilo thur mun.