Ruak tagok baoh ia nan lac sa janih ruak cấp tính virút Varicella Zoter rah tabiak. Ruak pambak meng urang ini tapa urang diah tui jalan taom gaok tapak, tapa dom pandap njom ruak meng jalan suan yawa, ia mang baoh tamuh, mbak tapa jalan suan yawa kayua hit gaok virut kayua urang ruak tagok baoh ia ndem mbrak tabiak, bahar atau patuh ngak ia pabah, ia idung tabiak gah langiu jeng dhur.

Tukvak pabam ruak labaih meng 2 tal 3 adit, bhian meng 14 tal 16 harei meng tuk njom virut tal tuk ruak. Urang ruak hu mboh glaih glar, pandik akok, ndiak, sre ia idung, pandik tarakong saong tagok baoh bhong sit camereip tamuh di akok, meta blaoh pambak bak rup. Ruak dui atah meng 7 tal 10 harei.

Ruak tagok baoh ia nan lac ruak lành tính, min mbuan bien chung yau nhiem trung kalik labik tagok baoh ia, nhiem trung darak, viem glao kaok ( takik mboh). Urang kumei metian rauk tagok baoh ia oh siam ka anek, meda labuh anek atau anke di tat.

Taong abih dom urang oh ka ruak ini atau oh ka klau jru caga mbuan njom rauk ini. Bhian urang praong ruak trak jang uranaih. Yau nan ye, njauk brei klau jru pacang caga ruak tagok baoh ia plaik njiak taom gaok uarng ruak saong klau jru caga ruak.

Ruak kayua virut ngak tabiak yau nan ye urak ini oh kahu jru iek ruak bo pambak tame bruk thau samar dalm 24 tuk camereip.

Iek ruak: Pacang caga njom vi khuẩn, brei patrun pandiak, an thần; pacang caga katan piah urang ruak garao. Cakak kut kaku tangin saong khik hacih tangin. Di labik tagok baoh ia patuh blaoh brei luh jru metylen hijao.

Jru ruak đặc hieu: pandar kháng sinh pacang caga virut janih acyclovir, brei pandar dalam 24 tuk camereip tuk tagok baoh ia meda ngak katut tukvak ruak saong trun ladam ruak. Min, njauk brei nao iek ruak saong pandar jru tui tacei pato di gru jru.

 Viêm màng não mủ

Viem mang glo akok laneh na lac sa janih ruak nhiem trung trak ka he than kinh, bhian oh dhit eng. Meyah oh iek ruak chip mbuan ba tal ruak trak saong metai.

Viêm màng não mủ mboh biak rilo rauk karei di gauk, tui umo thun. Uranaih camereip ruak pandiak galong, sre ia idung, patuk, aih caraoh, hia rilo, glaok ta-ok. Hu dom uranaih rauk sraw kadau having akok, bhang meta, hia, meta maong mblanh mblanh…Yau nan ye, rilo amaik ame nda lac anek drei ruak pandik tarakong, viem phoi atau aih caraoh…blaoh iek rauk eng. Ruak viêm màng não laneh iek ruak mbuan dhit meyah drei thau samar. Yau nan  ye,  mboh uranaih rauk hagait yau patuh, pandiak, sre ia idung dom amaik ame brei ba anek nao iek ruak kalk ruak trak.

Piah plaik njiak rauk viem mang nao laneh kayua não mô cầu njauk brei khik haci hacih rup pabhap, abih di nyu nan lac khik hacih tarakong, pabah yaok harei. Brei urang ruak daok karei palik njiak taom gaok urang ruak kayua vi khuan meda pambak tapa dom ia pabah, labar kayau urang ruak patuh, tuk ndem prah tabiak urang hit gaok. Urak ini, hu vacin đặc hieu, uranaih umo ala 36 bilan njauk brei klau jru vacin ini piah caga ruak ini./.