Pathau mikva saong taong abih gauk! Puac bilan 5 akaok bilan 6, langik pandiak saong hu dom mbang hajan sit ngak ka uranaih mbuan njauk dom janih ruak. Bilan hè, lingik pandiak lagaih ka vi sinh vật patagok,  nan ye ini jeng lac bilan jit ruak tamuh tabiak, abih di nyu nan lac dom janih ruak njom mbak cấp tính. Dom uranaih kayua pren pacang caga ruak oh ka khang, hệ miễn dịch oh ka siam mbuan njauk dom jit ruak ini.

Dom ruak njauk pacang caga ka uranaih tuk lingik pandiak

Uranaih mbuan njauk dom ruak jalan hô hấp. Pandia, peih kadik khang atau ndih mac li-an jeng ngak ka uranaih patuk, sraiy ia dung saong pandiak. Lingik pandiak, uranaih nduac me-in tabiak ia hauk ralo amiak oh uak chip mbuan ngak ka uranaih njauk viêm phổi, viêm phế quản. Dom uranaih dak sit dak mbuan njom ruak. 

Dom bruk  amaik ame njauk ngak

Meyah mboh uranaih yau ruak jalan hô hấp, brei ba uranaih nao tal bác sĩ. Oh caik ruak suai lavik, dak kan iek ruak saong mbuan ba tal mãn tính. Brei uranaih mbang bu, tapung prang jang yaok harei, menyum ralo ia. Patrun patuk, patrun pandik tarakong ka uranaih meng dom janih jru bhap bini yau quất hấp ia hani, hala hẹ chưng saradang phèn, phật thủ saong kẹo mạch nha. Amaik kanal tanjoh dung, uak dung, njuk dung gam gam ka uranaih piah uranaih mbuan suak yava saong mbuan mum jang.

Langik pandiak bloh hu hajan lagaih ka dom janih virus ngak ka ruak di uranaih patagok, uranaih meda njauk ruak hadei di tuk taom gaok ayut sahabat, urang praong njauk ruak. Uranaih dak sit ye ruak dak samar, dak trak. Abih di nyu nan lac uranaih mbuan cảm tuk lingik salih bilan. Triệu chứng akaok meti nan lac patuk, bloh viêm tarakong, pandiak, trak jang uranah meda viêm phế quản, viêm phổi. 

Dom bruk amaik ame njauk caik hatai:

- Tuk amaik ame caik ka uranaih, abih di nyu nan lac dom uraniah umo ala 1 thun daok dalam duk hu mac li-an, brei caik hatai nhiệt độ dalam duk saong nhiệt độ langiu langik brei lagaih.

Meyah uranaih daok dalam duk mac li-an, njauk salih nhiệt độ dần dần, nyaik slih chip meng la-ar tabiak pandiak, bruk ini ngak ka dom uranaih mbuan njom ruak.

Oh brei ka uranaih taom gaok dom urang patuk ralo atau njauk dom ruak cảm cúm.

Meyah uranaih njauk dom ruak jalan hô hấp atau tiêu hóa, jui brei uranaih nao nhà trẻ, bruk ini gam pacang cakak dom janih ruak karei njom tame kayua tuk ini pren pacang ruak di uranaih biak yếu, taphia di nan mbuan pambak ruak tapa dom uranaih karei dalam tal bac./.