Phước Bình (ban sit Trảng Bàng) lac bhum tapen negar, hu padang bahrau meng pagam veik taneh riya saong rahra di dua xã Phước Lưu, Bình Thạnh di akaok thun 2020. Meng hadei di tuk hu padang tabiak, peih ngak bruk padang ngak xa mek hu tanut chuan palei pala bahrau, karja xã samar ba tabiak bruk ngak, jalan ngak lagaih. Xã patagok bruk pathau khan, brei thau jalan ngak di Đảng, sarak, hukum di Kanja ka bruk padang ngak palei pala bahrau tal urang jakar, urang đảng saong bhap bini; pataom tame bruk buh jien padang ngak jalan mbak, bruk ngak mbang, peih tabiak jalan  piah bahrau, padang bruk sản xuất, paglaong jien mek tame ka bhap bini.

Ong Bùi Văn Riêng, Phó Bí thư Thường trực Đảng ủy, akaok HĐ bhap bini xã Phước Bình brei thau, thun 2021, xã hu tuh bê tông saong tuh nhựa di 27 jalan palei atah abih tih labaih 18 km. Gam haong nan jeng ngak salah rilo danak dak, yau ye peih bahrau dua jalan, caik gom truac hadah 3 jalan palei atah abih tih 1.400m, padang ngak bahrau saong ngak pasiam veik 3 mbaik tatua.

Dom kraong ribaong hu maong lac hu makna praong ka cak rok patagok bruk ngak nong mek hu jak jeng glaong jang. Kayua yau nan ye, xã pambuak haong dom gah padang ngak peih bruk peih taneh, padang ngak dua danak dak ar pacang saong sa danak dak bilai njuk ia, ba mbuan lagaih ka urang nong cakrok bruk pala drak. Urak ini, xã hu padang dom HTX dịch vụ ngak nong daong ka mikva pambuak gauk, cak rok patagok bruk ngak padai, pala manaih, njam patam baoh kraoh, paglaong yaom kaya nong, rik daong ba jien tame ka bhap bini kuhria tui akaok manuac hu labaih 60 triệu đồng sa urang sa thun. Tal urak ini xã oh daok sang kan kathaot.

Ong Nguyễn Văn Sáu, daok di ấp Bình Hòa, xã Phước Bình brei thau lac, dahlau deih bruk ngak nong di pak ini gaok rilo kan kandah. Ong kham merat rik daong, gam haong mikva saong karja xã ngak tatua, ngak jalan nao mai dalam mblang hamu. Langiu di nan, ong Sáu hu jak jeng haong bruk pala menaih pajaih Queen pambuak haong raong ikan, labaih 60 ha taneh njom likhun, yaok thun laba hu jaik 4 tỷ đồng. Ong hu hadah mbaok meta lac sa dalam dom urang nong ngak mbang naih joi pakat negar tukvak 2017-2022.

Xã Tân Lập, huyện Tân Biên lac bhum salamat dalam dom thun mesuh pacang kol khamang. Thun 2010, tuk Tân Lập hu pilih lac xã điểm padang ngak palei pala bahrau, xã meng labik lac kan kandah, kinh tế suai cakrok, raidiuk bhap bini gaok rilo kan kandah. Piah padang ngak palei pala bahrau siam lagaih, xã thau cambaih dom bruk njauk ngak dahlau saong jalan ngak lagaih. Mban pato tacei, mban khik ramik ginum biai tui định kỳ piah taong yaom bruk ngak, hu jalan lang talaih kan kandah. Tal thun 2015, Tân Lập hu pok brei angan lac mek hu tanut chuan palei pala bahrau. Oh padeih di pak ini, Tân Lập daok kham marat padang ngak palei pala bahrau paglaong. Jalan mbak hu ngak siam di tanut glaong, pabak hu bruk ngak mbang, pala drak saong raidiuk di rahra. Taong abih dom jalan palei, jalan pambuak dom palei, jalan sit jalan praong jeng hu tuh bê tông; taong abih 5 ấp hu jalan điện negar, taong abih dom sang rahra jeng hu pandar điện. Mikva urang nong hu mbaok tame dom tal bac brei thau dom ilamo kỹ thuật dalam bruk pala drak, peih bruk pambuak gauk tui chuỗi giá trị pandap panda. Meng nan, jien mek tame di bhap bini hu labaih 65 triệu đồng sa urang sa thun.

Padang ngak palei pala bahrau paglaong, dak harei dak salih bahrau, siam mekre, Tân Lập biak caik hatai peih ngak danak dak salih số, pamaong tal palei pala bahrau tukvak 2021-2025. Tui ong Đào Văn Sớt - Bí thư Đảng ủy, akaok UB bhap bini xã Tân Lập, xã jhul khang bruk pandar ilamo công nghệ thông tin dalam peih ngak dịch vụ hành chính công, taduan saong biyar kết quả langyah harak gar hành chính tapa jalan sa pabah mbang online. Dalam 9 bilan tapa, blah wed ini hu taduan saong biyar labaih 600 harak gar, taong abih jeng hu langyah dahlau tukvak sanya, dalam nan, hu jaik 200 harak gar taduan tapa dịch vụ công online di pakat 4.

Ndem ka dom salih bahrau di puk palei, ong Cao Văn Sơn (umo 70 thun) daok di khu dân cư Chàng Riệc, ấp Tân Khai, xã Tân Lập brei thau, dahlau deih, jalan nao mai oh lagaih, rilo urang ka oh hu bruk ngak nan ye raidiuk kan kandah. Urak ini, jalan mbak nao mai mbuan lagaih jang, mikva kham marat ngak mbang, pala drak, dam dara hu bac bruk ngak, duah bruk ngak. Sang bac, bilai iek ruak jeng hu ginup abih nan ye mikva dom bangsa di Tân Lập biak chreih chrai./.

Urang lang: Thu Thảo – 03/11