Padang talei jum pataom bol lin saong bhapnini di biên giới Tay Nguyen

Di bhum tapeng negar Tây Nguyên, bol lin saong bhapnini dom bangsa oh padheih kham merat padang talei jum pataom,  piah ngak jeng bruk thế trận quốc phòng khang kajap. Mô hình jum pataom di Binh đoàn 15 peih ngak di biên giới Bắc Tây Nguyên lac sa bruk siam njauk biai. Pak ini, bruk jum pataom atau  kết nghĩa tui rilo cấp độ karei di gauk, meng bruk sang công nhân urang  Kinh pambuak pagam saong sang bangsa takik ka tal Binh đoàn pambuak pagam saong karja puk palei saong brei mboh hu siam mekre. Công Bắc, urang vak di rayo sap ndom Viet Nam daok di Tây Nguyên hu kadha vak brei thau ka bruk ini:

Thun 2006, Binh đoàn 15 hu tabiak bruk peih ngak mô hình pambuak gauk di dom sang công nhân urang Kinh saong sang công nhân urang bangsa takik. Sang saai Nguyễn Văn Thương saong sang saai Rơ Lan Yin lac sa dalam dom sang pambuak gauk akaok meti di Đội 14, Công ty 75, Binh đoàn 15. Labaih 10 thun tapa, dua sang maong gauk yau adei saai sa baoh sang, jum pataom, kak kajap, daong gauk abih bruk, meng dom bruk di công ty tal bruk sang. Bruk daong gauk hu daong ka raidiuk di dua sang hu siam haong urak ini hu ginup meda. Saai Nguyễn Văn Thương, lac:“Dalam bruk ngak tui jalan ngak pambuak pagam sang lac sang dahlak tuk halei jeng pataom tame tacei pato dom ilamu ka phun công nghiệp jeng ye phun katut harei, njam hijao, njam hacih. Ba dom quy trình kỹ thuật piah sang pambuak gauk saong drei hu jien mek tame, dak harei dak patagok kinh te.”

Hadei di sa tukvak katut peih ngak, mô hình pambuak pagam sang di Binh đoàn 15 brei mboh siam lagaih saong samal hu pambak praong dalam dom công ty di Binh đoàn angaok jalan tapeng negar di dua tỉnh Gia Lai saong Kon Tum. Tapa yaok thun, bruk pambuak pagam hu veih glaong dom jalan tagok barau, tuk Binh đoàn hu jalan peih ngak đội sản xuất kết nghĩa saong buôn palei; công ty kết nghĩa saong huyện, xã; Binh đoàn pambuak pagam saong tỉnh, huyện.

Palei Triêl, xã tapeng negar Ia Pnôn, huyện Đức cơ hu 75 sang bhapnini ye 70 sang hu urang ngak công nhân di Công ty 72, Binh đoàn 15. Dalam tuk dom sang công nhân di palei peih bruk pambuak pagam saong công nhân urang Kinh ye palei Triêl jeng kết nghĩa saong đội 12 haong đội 16 di Công ty 72. Bruk pambuak gauk, kết nghĩa lac bruk pachreih ba praong daong ka palei Triêl patagok saong bruk kinh tế di palei urak ini jeng khang kajap ngan saong jaik 90ha cà phê, 70ha cao su, 80ha pa-ok blait, 8ha amraik kalu gsaong rilo taneh phun pala karei. Tui ông Ksor Bíu, akaok mban ngak bruk Mặt trận negar palei Triêl, htalei jum pataom di bol lin saong bhapnini, talei pambuak bruk saong doanh nghiệp lac bruk quý, daok hu mikva dalam palei patagok:“Kol dahlak daok pathau khan, jak ba mikva khik tamo talei jum pataom piah ngak siam veik bruk salih phun pala, kaya raong. Sangka tame ngak kinh te ka sang ba mai kein laba glaong. Blaoh paglaong talei pambuak bruk saong dom đội kết nghĩa piah bac megru dom alamu, kham merat ngak meda ka dom sang.

Tui Đại tá Nguyễn Đức Thành, Bí thư Đảng ủy, Phó tư lệnh Binh đoàn 15, mô hình pambuak gauk , kết nghĩa bol lin – bhapnini lac sáng kiến di Binh đoàn saong lac sa dalam dom bruk ngak praong di Binh đoàn tuk ngak bruk dân vận dalm tukvak barau, njauk saong bruk anak meta di tapeng negar Tây Nguyên. Dalam dom thun tapa, Đảng ủy, Bộ Tư lệnh Binh đoàn hu tacei pato catang piah Binh đoàn ngak siam mô hình ini, rik daong patagok kinh tế, pambuak saong khik caga quốc phòng an ninh di biên giới:“Đảng ủy, Bộ Tư lệnh Binh đoàn thau lac bruk dân vận jeng lac bruk chính trị. Yau nan ye, dom thun tapa, Đảng ủy, Bộ Tư lệnh Binh đoàn tuk halei jeng tacei pato catang dom bruk dân vận. Kol dahlak thau lac bruk dân vận dahlau abih lac njauk pambak tame pakat ủy, karja puk palei, bhapnini dom bangsa saong maong nan lac jalan piah kol dahlak ngak siam bruk  chính trị. Abih di nyu nan lac gah  mô hình pambuak pagam sang, ini lac sáng kiến biak njauk, ba mai siam lagaih.

Dalam kreih billan 11, amuk Trương Thị Ngọc Ánh, Phó akaok Ủy ban Trung ương MT negar Việt Nam, tuk nao xã biên giới Ia Pnôn, huyện Đức Cơ, tỉnh Gia Lai piah hu mbaok tame Harei roya jum pataom dom bangsa, hu taong yaom glaong mo hinh kết nghĩa bol lin – bhapnini, pambuak pagam sang di Binh đoàn 15 peih ngak di puk palei. Mô hình hu brei mboh siam lagaih tuk gam rik daong patagok kinh te, gam dak padang sa thế trận quốc phòng khang kajap di biên giới:

Băng: “Kol dahlak  taong yaom glaong bruk padang talei jum pataom di  xã Ia Pnôn jeng ye di tỉnh Gia Lai. Kol drei peih ngak hu bruk kết nghĩa quân dân, bruk kết nghĩa hu sang ini saong sang thiah piah daong gauk patagok kinh te, pachreih gauk, klah rabha dom kan kandah, jeng ye dom bingi sahanang, ngak jeng bruk jum pataom dak harei dakkhang  kajap. Tapa nan dak padang bhapnini, libik bhapnini daok dak harei dak jum pataom saong patagok gah kinh te, khang kajap gah an ninh chính trị.

-Bruk jum pataom bol lin –bhapnini, talei pambuak bruk ngak mbang di Binh đoàn 15 saong karja, urang bhapbini di tapeng negar dua  tỉnh Gia Lai saong Kon Tum hu sangka dak padang labaih 30 thun tapa. Ini lac bruk siam daok hu patagok piah dak padang jalan tapeng negar Bắc Tây Nguyên khang kajap di abih gah./.                                                                                                 Thúy Linh