Gam saong ngak siam bruk khik caga jalan biên giới haong Campuchia atah 73 km, Bộ đội Biên phòng Đắk Lắk daok ngak siam bruk daong bhapbini bhum biên giới ngak mbang kinh tế. Meng dom bruk raong limo, pabe, vịt trời saong dom bein phun mbang baoh ye: panat Thái, cam, quýt, padai.., rilo sang hu jien mek tame yaok ratuh trieu dong yaok thun. Tapa nan yam tagok tabiak truh kathaot, ia mbaok palei pala bhum bien gioi hu rilo salih barau. Kadha vak di Tuấn Long, urang vak di rayo sap ndom VN daok di Tay Nguyen ndom ka bruk ini di Bộ đội Biên phòng Đắk Lắk. Daa mikva saong grauk yut tui pang:

Biar harei sup di bhum biên giới, tuk ia harei jaik tame ceik jeng lac tuk ông Trần Văn Thanh, daok di palei 2 xã biên giới Ia R'vê huyện Ea Súp, drah samal traok tapol pabe tame var raong. Ông Thanh brei thau, ini lac dom drei pabe hu patagok meng pabe pajaih di Bộ đội Biên phòng tỉnh Đắk Lắk alin brei. Dahlau diah lac sang kathaot, akaok thun 2016, dom urang jakar Bộ đội Biên phòng hu alin brei 11 drei pabe binai piah raong patagok kinh tế. Lingiu di daong pabe pajaih, bộ đội biên phòng daok bhian trun daong klauk jru caga ruak, phối pajaih, pala phun ngak kaya mbang piah pasang iek tapol pabe. Meng dom drei pabe akaok mereip, meng thau pasang iek siam urak ini tapol pabe tagok hu labaih 40 drei, jien pablei pabe jeng jien mek tame praong di sang. "Dahlau thun 2015, sang dahlak lac sang kathaot, hu bruk sangka di đồn Biên phòng, dom pakat, dom ngành hu daong pabe raong caih anek ka dom sang kathaot dalam nan hu sang dahlak. Dalam tukvak raong jaik dua thun tapa, pabe caih anek hu 40 drei paje, jien mek tame meng pabe yaok thun meng 80-100 triệu đồng. Dahlak mboh b danakdak daong di đồn saong dom pakat dom ngành biak hu makna, nyu hu daong sang dahlak patruh kathaot. "

-Daok sang ông Hồ Văn Thành di palei 6, xã Ia R'vê, huyện Ea Súp jeng lac sang kathaot, kan kandah abih di xã Ia R'vê. Ông Thành brei thau, diuk pasang ruak kik luac thun, dom anek daok sit, jien mek tame praong di sang pagam pambak tame 5 sào apuh pala tangei, bei plom. Thun 2016, dom urang jakar Bộ đội biên phòng Đắk Lắk mai alin brei sa yau pabui binai; pambuak bruk saong Trung đoàn 739, di Binh đoàn 16 alin 20 triệu đồng piah blei panat pajaih, nding pruh ia piah patagok bruk pala phun mbang baoh. Tal urak ini meng thau pasang iek njauk ilamu ky thuat, bein phun cakrok siam, thun tal hu paik baoh. Ông Thành khan lac:"Bộ đội biên phòng, bộ đội đoàn kinh tể daok hu mai daong kuac danao, pala panat blaoh pasang iek bein phun gam saong sang dahlak, urak ini 450 phun panat cakrok siam. Dua drei pabui binai dom harei tra lac caih anek paje. Sang dahlak biak bui sambai, dom pakat dom nganh saong bộ đội biên phòng, đoàn kinh tế hu daong ka dom urang anek di kol dahlak nao bac, Yau nan ye raidiuk di kol dahlak di biên giới hu siam mekre, kol dahlak jia tame raidiuk piah patagok. "

-Dom xã biên giới di tỉnh Đắk Lắk lac: Ia R'vê, Ia Lốp, Ea Bung di  huyện Ea Súp, saong Krông Na di huyện Buôn Đôn, lac dom xã bhum atah kan kandah abih di tỉnh Đắk Lắk, hu sang kathaot biak rilo. Dalam bhum hu jaik 11 rabau sang ngan saong labaih 25 rabau menuac di 30 bangsa adei saai gam diukrai. Yaom lac hu Đảng saong karja sangka đầu tư, min kayua taneh riya thulagu, lingik pandiak bhang, bhian gaok bala di lingik tasik yau nan ye raidiuk daok rilo kan kandah.

-Tui amuk Trần Lệ Thủy, Phó Bí thư thường trực Đảng ủy xã Ia R'vê, huyện Ea Súp, dom bruk patagok kinh te kayua Bộ đội biên phòng peih tabiak hu daong biak praong ka urang bhapbini puk palei, rilo sang hu patruh kathoat yam tagok ngak meda. Amuk Trần Lệ Thủy brei thau: "Bộ đội biên phòng daong puk palei biak rilo tapa dom bruk ye: limo pajaih, vịt trời, bein phun mbang baoh gam saong nan lac padang ngak sang biên cương, haduk jru quân dân y pambuak gauk, abih di nyu nan lac pok takai yam adei nao tal sang bac. Meng dom danakdak hu gah biên phòng daong, mikva jeng sanang hatai kak kajap haong puk palei, yam tagok ngak kinh te piah tani tanat raidiuk di bhum biên giới."

-Piah daong bhapbini bhum biên giới, dom thun tapa, Bộ đội Biên phòng Đắk Lắk hu peih ngak rilo mô hình kinh tế ngak mbang hu kein laba ye: pala phun thanh long hatai bhong, bein cam oh hu asar, panat Thái Lan; daong 83 drei limo pajiah, labaih 100 drei pabe binai piah urang bhapbini patagok raong glang. Abih di nyu nan lac, Bộ đội Biên phòng Đắk Lắk hu buh tabiak 82 tỷ đồng ngak binek ia daong ka urang bhapbini pala padai dua vụ, ngak jalan giãn dân di bhum biên giới. Tapa nan, rik daong siam tame bruk patruh eik patrun kathaot di dom xã bhum biên giới di tỉnh.  Đại tá Đào Viết Hùng, Phó Chỉ huy trưởng Bộ đội Biên phòng Đắk Lắk brei thau, tukvak tal, daok brei pambak praong rilo jang dom bruk ngak mbang kinh te piah daong urang bhapbini patruh kathaot, tani tanat raidiuk. "Anak tal, Đảng ủy Bộ chỉ huy Biên phòng daok pandar dom phòng, ban, dom đồn biên phòng saong tiểu đoàn huấn luyện cơ động peih ngak rilo jang dom bruk ngak mbang kein laba dalam tukvak tapa piah daong bhapbini. Daong mikva pajaih padai barau piah mikva pala drak paglaong sản lượng, paglaong năng suất. Pambuak bruk saong dom jakar urang bangsa takik piah tacei pato ky thuat, phun pajaih lagaih haong taneh riya bhum bien gioi piah urang bhapbini ba tame ngak, paglaong jien mek tame, tani tanat raidiuk. Tapa nan pambuak bruk saong bộ đội biên phòng khik caga biên giới."

Meng dom bruk, dom mo hinh siam, kein laba hu Bộ đội Biên phòng Đắk Lắk peih ngak daong bhapbini di bhum biên giới, rilo sang bhapbini hu rilo jalan ngak mbang yam tagok tabiak truh kathaot tani tanat raidiuk. Hatai anit ranam di urang bhapbini haong Bộ đội Biên phòng libik biên cương di negar dak harei dak khang kajap, bruk yau urang Yun lac "thế trận lòng dân" hu dak padang saong dak harei dak khang kajap./.