Urak ini, ralo po bein daok hu yaok rituh chậu cúc praong sit saong hu dak tapak talei,  dom adei saai kamei daok jar var ka bruk trun pajaih, dom dam dara daok pajeng ba dom cậu, phun pajaih, khak drak, pruh ia, pruh jru… Bhap bini palei ini brei thau, bruk pala bingu cúc di ban sit Ninh Hòa hu patagok meng yaok pluh thun ini mai, bhap bini ralo meng pala bingu cúc đại đóa saong pha lê, yaok sang pala meng 200 tal 1.000 chậu. Piah caga ka sa vụ bingu tết, dom urang nông hu ngak chậu meng bilan 5 – 6 ngak taneh saog bilan 7 trun pajaih. 

Daok iek glang bingu cúc  pajaih, saai Đoàn Văn Thanh (phường Ninh Giang, ban sit Ninh Hòa) hu 20 thun pala bingu cúc brei thau, thun ini sang sa-ai pala 500 chậu bingu cúc, ralo meng lac cục đại đóa. Piah patak pataom phun jien, akaok bilan 4 ngak chậu, bilan 7 lai bau hong taneh bloh đúc pajaih saong puac bilan 7 ba pajaih mai pala dalam chậu, yaok chậu jaik 200 phun. Tui saai, langik urak ini biak lagaih ka phun bingu cúc patagok, urak ini dalam bein phun tamuh siam, takik halak.

Daok saai Lê Thị Uyên jeng daok dalam xã nan, lac: “Sang dahlak hu sa sào taneh bein, piah hu bingu pablei tết thun ini, sang hu pah sa sào tra piah pala bingu cúc. Saai pala hu 700 chậu bingu cúc đại đóa saong pha lê. Diuk pasang saai jeng ngak chậu eng saong yaom jien meng 10.000 tal 14.000 đồng sa chậu saong tin tưởng tame vụ bingu cúc thun ini. Hu thau, bingu cúc di Ninh Hòa hu labik pablei tani tanat, saong hu pablei ralo di ban raya HCM, Bình Thuận, Đà Lạt, Đăk Lăk, Đồng Nai, Vũng Tàu ./.