Urang nong bhum Bảy Núi (tỉnh An Giang) daok patagok phun hồng quân, kayua phun tamuh hu di panidak bhang, oh abih rilo khak, jru, brei jien mek tame jaik 200 triệu đồng/sa ha/sa thun.

  Tukvak paik hồng quân meng bilan 7 saka ia bilan tal bilan 3 saka ia bilan thun hadei. Phun drah meng asar hu meng 15 thun tagok brei năng suất meng 500 - 700kg yaok vụ. Daok phun chiết dhar hadei di sa thun pala lac tabiak baoh saong tal 5 thun brei năng suất biak glaong meng 200 - 300 kg/sa phun sa vụ. Ini lac phun mbuan si pala, bilan pandiak lac druh abih hala, tal bilan 4 - 5, tuk hu dom mbang hajan kaoak bilan lac tabiak hala meda, cakrok veik saong tabiak bingu.

-Ông Hồ Văn Minh daok di ấp Phú Hòa, xã An Phú, huyện Tịnh Biên hu 9ha taneh glai, dalam nan hu 1,2ha pala hồng quân hu 7 thun. "Hồng quân daok hu angan ieu karei lac bồ quân, mùng quân glai hu asal meng dom taneh ia nhiệt đới, rilo di Ấn Độ", ông Minh brei thau. Beir di ông Minh paik meng bilan 6/2017 dui atah tapa bilan 3 thun hadei. Akaok vụ, urang blei mai tal libik blei yaom meng 15.000 - 20.000 đồng/sa kg, puac vụ yaom meng 28.000 - 35.000 đồng/sa kg (tui baoh praong atau sit), tui nan, ông laba hu labaih  200 triệu đồng.

- Meng dom phun hồng quân tamuh eng, ông Nguyễn Minh Đức daok di ấp Phú Hòa, xã An Phú hu pabam pajaih pala pablak ala halui glai hu labaih sa ratuh goc. Rilo phun diuk hu 15 thun saong tabiak baoh biak rilo, hu 600 - 700 kg/sa phun yaok vụ. Thun halei jeng yau nan, tame bilan paiik baoh hồng quân, sang ông hu jien mek tame yaok ratuh triệu đồng.

-Tui ông Đức, kayua phun pala di bhum tambok ceik glaong oh hu ia pruh yau nan ye tok pambak tame ia hajan yau nan ye hồng quân tabiak baoh tui lingik tasik. Hồng quân cakrok biak khang, meyah oh cakak bruk cakrok lac phun oh tabiak baoh atau tabiak baoh biak takik. Bruk thuligu di bhum ceik dui atah meng 4 - 5 bilan lac bruk kateik cakrok, ngak ka phun druh hala, salih caduk barau. Tuk hu hajan mai lac phun tabiak caduk saong bingu.

-Ông Lê Thành Công, Hạt trưởng Hạt Kiểm lâm huyện Tịnh Biên brei thau, phun hồng quân hu mikva patagok pablak ala halui glai saong phun jru hu kein laba glaong. Yaok thun, huyện Tịnh Biên pablei yaok ratuh tấn hồng quân ka darah pasal Campuchia, bhum taneran kraong CL saong ban raya HCM. Bahrau ini, meng patagok canah du lịch saong duah pataom dom libik du lịch dalam huyện yau nan ye hồng quân pablei di libik ka tuai mai ravang mein yau nan ye biak hu yaom.

-Di ban sit Chi Lăng, huyện Tịnh Biên hu sa cơ sở pala saong ngak alak hồng quân. Yaok vụ, cơ sở ini pablei hu yaok pluh tấn baoh. Saong biak rilo lò ngak alak dalam huyen jeng ngak rilo alak hồng quân, daong urang bhapbini hu jien mek tame tani tanat saong yam tagok ngak meda. Ông Công khan lac yau nan:

kadha urang ngak hamu caong thau adit ini tal ini likau abih. Kadha ini kayua rayo sap ndom VN pambuak bruk saong pasak pachreih nong negar peih ngak.