Pathau mikva saong taong abih gauk!

Bhap bini Cam Ahier tỉnh Ninh Thuan daok uan raok Kate. Thun ini, Kate rah tabiak meng harei 22 tal harei 24/10/2014. Dalam dom harei ini, dom kapul daoh tamia di palei Chăm dalam tỉnh daok chreih chrai haong dom kadha daoh ndung bak ilamu Cam ka mikva saong tuai damuai dalam dom harei Kate. Kadha vak di urang pambuak bruk Văn cảnh – Đoan Trang:

Di dom palei Cam Ninh Thuan dalam dom harei ini, nao tal halei kol dahlak jeng mehit sap daoh chreih chrai di kadha daoh “Kate palei Cam”, gam saong sap giang, sap saranai. Dom likei dam, dom kumei dara Cam ba drei tame ragu tamia kandik saong hu mbaok tame danak dak daoh tamia salam uan Kate, pamơrơ mikva dalam palei. Kapul tamia di palei cam Hữu Đức, xã Phước Hữu, huyện Ninh Phước, tỉnh N.Thuan  rilo meng lac anek saih. Meng bruk abih hatai jai di abih gauk dalam kapul, nan ye kapul padang hu rilo kadha daoh, tamia biak gheih yau: tamia ndua buk, tamia tagok bimaong.. piah pamơrơ mikva dalam dom harei mbang Kate. Adei Năng Thị Cẩm, anek saih tal 11 – sang bac THPT Nguyễn Huệ, lac:

 “Adei uan tabuan lô tuk hu palih ruah tame kapul daoh tamia Chăm. Adei rami ramik tukvak nao tamia, rik daong ka bruk daoh tamia di palei drei, ngak brei bui sambai ka palei drei”.

Saai Trượng Thị Hoàng Thi, akaok kapul daoh tamia palei Hữu Đức, urang padang danak dak brei kapul parang me-in, khan lac:

“Thun bloh dahlak jeng hu pachreih urang kamei, sinh viên pasram tamia, daoh angaok sân khấu brei ka bruk daoh tamia nyu chreih chrai jang. Thun ini dahlak jeng kham merat brei ka bhap bini Chăm drei, piah harei hadei  bruk daoh tamia hu phong phú jang”

Piah yaih khan tal tuai damuai dalam saong langiu taneh ia saong peih tabiak jalan pambuak tour du lịch palei ngak dalam bilan kate, kapul daoh tamia palei chăm Bàu Trúc hu padang tagok, hu 17 nghệ nhân dalam palei. Yaom lac jar var haong bruk hamu puh, min dom urang dalam kapul jeng harei melam pasram piah pamơrơ siam di abih brei ka tuai damuai du lịch mai maong iek. Ong Đàng Chí Quyết, akaok mban khik iek ban sit Phước Dân, huyện Ninh Phước, tỉnh Ninh Thuận brei thau:

 “Kate thun ini, abih di nyu nan lac danak dak daoh tamia saong kadha me-in bhap bini ye meng bloh jeng mboh mbuann lagaih hu bruk sangka di sở ilamu hu padang ka palei ngak Bàu Trúc kapul daoh tamia bhap bini saong dom alat ragam, khan ao biak siam, nan ye, kapul daoh tamia tal urak ini hu caga ka danak dak văn lễ kate thun ini”.

Bruk takre tamia bhap bini hu daong khik ramik ilamu meng kan di bhap bini chăm. Taphia di nan, sở ilamu – TT saong DL Ninh Thuận hu daong dom palei alat ragan, âm thanh, ánh sáng hiện đại, yaom yaok rituh triệu đồng. Meng nan Kate thun ini, mikva saong tuai damuai di dom palei Cam Ninh Thuan hu pang, hu maong, hu ba drei tame rilo kadha tamia, ndung bak ilamu bangsa Cam./.