Palei ngak miến dong Bắc Kạn chreih chrai ngak pandap bilan Tết

    Tukvak jaik si tet, dom sang di palei miến Lủng Vạng, xã Côn Minh, huyện Na Rì, tỉnh Bắc Kạn parai bak mẹt, nong, sào pambu miến. Dalam sang, dom lò ngak miến thak par glaong mbong patih. Langiu mblang, dong riềng dak glaong saong sap chai tapung, sap urang ndom klao bui sambai…tapa nan brei mboh bruk chreih chrai, jar var ngak tabiak dom kadung miến dong bingi abih piah pablei Tết nguyên đán. Kadha vak di urang vak Phạm Phong daok di Bắc Kạn :

     Côn Minh lac libik ngak miến dong livik rai abih di Bắc Kạn. Dalam xã hu 48 libik ngak; dalam nan hu 25 xưởng ngak miến, 23 xưởng ngak tapung. Dom thun mai ini, tuk công nghệ khik ramik tapung siam jang, urang ngak miến luac thun. Ông Nông Văn Choang, lac :“Tapung dong di ini ngak eng taong abih. Meng tuk pala mbiah tal tuk paik jeng ta eng drei ngak. Yaok thun hu sa vụ, pala puac bilan sa, akaok bilan dua. Tal puac bilan 8 – bilan 9 sa ka ia bulan meng yuak caga bilan tết.

    Dom harei jaik tết nguyên đán asak menuk thun 2017, bhapbini jar var peik dong riềng piah pablei ka dom libik ngak tapung saong ngak miến. Dom sruh radaih di urang mai blei miến dong hu angan Bắc Kạn hu ba nao tal dom puk palei dalam taneh ia piah pabak ka urang caong blei mbang tết. Dom labik ngak miến ngak abih pren di drei piah hu pandap drak samal jao ka urang blei.

      Meng dom bilan puac thun 2016, rilo cơ sở di palei ngak miến ini hu taduan mek rilo đơn đặt blei miến, yaom tuk nan pablei meng 45-50 rabau đồng/sa kg min tuk tame vụ paik mek dong riềng, yaom akaok dong tagok yau nan ye yaom miến tagok, tagok jang meng 15 rabau đồng sa kg miến. Bilan ngak miến daong dahlau tết nguyên đán thun ini, dom cơ sở ngak bruk abih công suất, angan je hu brei thau di darak pasal, đơn đặt blei pandap meng dom libik tagok duk saong yaok thun. Urak ini, dom cơ sở oh ginup miến pablei ka darak pasal, yaom lac yaok harei ngak hu jaik 1 tấn meteh miến.

     Urak ini, urang ngak miến di Côn Minh hu pandar jamriak piah ngak. Mac ép hu ba tame pandar, trun takik pren ngak di rilo công đoạn. Min, bhapbini di ini jeng daok khik tamo dom bí quyết piah ngak ka miến khik tamo chất lượng yau mengkan. Amuk Nông Thị Huệ, palei Lủng Vảng, xã Côn Minh, brei thau :“Miến dong kol dahlak ngak tabiak asar tapung lac akaok mereip nan rao akaok dong, hadei di nan tuh ia rilo, tuh tapung tasak nyu dai, tuh siam nyu oh hu randaih. Drei halang rilo, khoắn tasak bingi. Di ini abih tih lac tapung miến dong, oh srau hagait karei”

     Yaok bilan ngak, dom labik chế biến tapung dong dalam tỉnh hu jaik 400 urang ngak, abih di nyu nan lac tuk jaik si tết nguyên đán, palei miến dong chreih chrai, bui sambai rilo. Anak dom siam lagaih meng darak pasal, caong lac thun 2017 daok lac sa thun jak jeng ka dom urang pala dong riềng jeng ye dom libik ngak, chế biến miến dong dalam puk palei, rik daong patruh eik patrun kathaot khang kajap ka bhapbini Bắc Kạn./.