Palei njam Patuh tame thun bahrau

     Dalam lingik li-an bingi akaok thun, palei njam Patuh ( Tuan Tu ) xa An Hai, huyen Ninh Phuoc, tinh Ninh Thuan mblo tagok yau blah rup cih gheih. Pablah tame sambo mau hijao di njam, tam kai, sambo mau kanyik di ca rot, dom  bingu cuc kanyik jeng daok hadah sambo mau ala ia harei var pagaiy maong biak gheih meta. Kol drei ba gauk nao ravang bhum taneh ini tapa kadha vak hadei ini di Thuy Linh, urang vak di rayo sap ndom VN daok di ban raya HCM.

       Meda lac yaok tukvak dalam thun, njam tuk halei jeng hijao bak mblang hamu Patuh ( Tuan Tu). Luac thun, urang nong di ini thavi thavar angaok mblang njam, oh tuk halei padeih padei. Mblang ini njam barau buac nao pablei, mblang thiah daok ngak taneh; mblang ini barau tabiak caduk, mblang thiah tal tuk paik. Mikva urak ini daok klak bruk pala tui jalan klak oh siam, thau pandar cong nghe glaong, alamu barau; ngak he thong pruh ia patak pataom piah caga ia pruh. Daok hadar, thun 2000, dalam palei tok hu dua sang peih ngak mo hinh pruh ia patak pataom, ye urak ini hu labaih 150 sang hu mbaok tame ngak, ngan saong taneh pala lac 120 hecta. Meng pandar mo hinh pruh ia patak pataom, mikva oh daok huac kurang ia pruh saong duah hu jalan nao barau dalam ngak mbang.

       Dom harei tet, labik pala njam ini dak cheih bui jang, tuai tabiak tame gam gam. Urang blei, urang pablei, kapul tuai du lich mai ravang iek. Daok dom urang pala njam, maong mbaok thei jeng dah tagok, bui sambai kayua hu rik daong tame var mbang harei tet di urang Cam jeng ye bhapbini Ninh Thuan dom njam that, pahe bingi saong siam. Dua tra veik, dom urang ini tuk halei jeng mboh hadah mbaok ka bhum taneh hu raong ba dom rairah anek taco urang Cam bac da a tal labik tal dhua, jeng urang siam hu kein laba lagaih ka bhapbini saong ka xã hội. Saai Chau Thi Ot daok di palei njam Patuh lac : “ bruk pala njam ini ngak meng rairah ông Amuk drei mai paje, mengkan tok pala thả, mbang ia lingik. Urak ini, ngak mbang tui alamu barau paje, hu ia pruh, hu pala tam kai, cà rốt, rita lo biak siam. Meng pala njam, rilo mikva patak pataom ngak hu sang danaok.”

     Oh lac sangka tal dom janih njam mengkan, dom thun jaik ini, palei njam Patuh hu ba labung Tay ( mang tay xanh) – sa phun pala barau mboh di VN tame pala tui jalan an toàn ( Vietgap). Mikva pandar dom vat tu oh ngak jhak tal alam moi truong saong pren yava urang blei mbang piah ngak tabiak dom janih njam hu tieu chuan. 29 sang pambuak gauk pala tui mo hinh HTX njam an toan Tuan Tu piah mbaoh tangin tame dom harak pambuak bruk pablei njam an toan ka doanh nghiep, pablei njam ka dom labik pablei salih njam di darak, sieu thi, daong khik tani tanat labik pablei dom janih njam patam. Mo hinh pala labung tay tui jalan an toan hu Sở alamu saong Cong nghe tinh Ninh Thuan taong yaom siam, taong abih jeng hu dư lượng jru khik caga phun pala ala tanut brei adat; saong daok patak pataom hu jien blei khak drak, jru khik caga phun pala, paglaong jien mek tame meng 10 -15% duk saong jalan pala mengkan.

Taneh siam, quy trinh pala drak an toan yau nan ye labung tay pala di ini that bingi, yamen saong racam. Kayua yau nan ye, urang blei di dom tỉnh, ban biak takre, duah mai tal ini piah blei. Dalam dom harei tet ini, labung tay dak harei dak pablei nduac, pala oh ginup piah pablei ka drak pasal. Ông  Hùng Ky - Chủ nhiệm Hợp tác xã dịch vụ ngak nong Tuấn Tú, tỉnh Ninh Thuận brei thau : urak ini, di mblang njam Patuh, sang halei jeng pala labung tay meng 4 – 5 sào, daok sang ông hu 2 hecta meteh labung tay. Min, tet ini jeng oh ginup njam piah pablei ka dom darak pasal dom tỉnh. Rilo tuai di tỉnh atah njauk đặt blei meng 2 – 3 harei dahlau meng hu. Ông lac : Meng pala njam tui jalan ia pruh, labung tay biak siam, tet ini oh ginup latung tay piah pablei ka drak pasal…Mikva di palei ini meng pala njam bo oh daok eik kathaot tra, ngak mbang ginup meda tagok”

       Gam saong bruk pala njam hijao, hacih, daong ka menuac sia hu dom var mbang bingi, an toan dalam dom harei tet, urang palei njam Patuh daok thau pala bingu cuc kanyik – sa janih bingu hu takre rilo di abih dalam dom harei tet. Bingu cuc hu pandar tame rilo bruk karei di gauk, yau ye : caik angaok bàn thờ, dalam sang, di tiền sảnh atau langiu lingik. Thau hu bruk lagaih di bingu ini, dom sang di ini ba mai pala iek labaih 1 hecta saong hu kein laba, rik daong paglaong jien mek tame saong ngak gheih ka raidiuk tuk tet mai,  xuan tal. Amuk Từ Thị Hoàng daok pak palei njam Patuh khan lac : Pak sang pala njam piah mbang tet ye : baok mun, tam kai …haong takik taneh pala bingu cúc kanyik piah pablei tet, 1 pok lac 40 gar bingu, pablei hu 500 rabau dong”

Thun klak tapa nao ngan saong dom kan kandah, glaih glan kayua lingik oh siam, hajan xua ngak khut min meng tari tarieng, sáng tạo, oh huac glaih glar, bhapbini di ini hu ngak ka mblang njam Patuh hijao mekre jang yaok harei. Raidiuk di mikva jeng dak harei dak siam, sang kathaot trun daok takik, sang kaya meda patagok tapa yaok thun.

      Sa thun bharau hu mai veik, bhapbini palei njam Patuh di Ninh Thuan daok hu sa bilan bội thu, bak bui sambai saong haniem phun./.