Meyah urang Lo, urang Nùng saong dom bangsa karei pandar ratak tương piah ngak đậu phụ, đậu nành, tào phớ brei ka van mbang huak yau pandap bingi dinh dưỡng, ye urang Mông hu jalan ngak tabiak dom janih pandap mbang meng ratak tương jeng biak gheih saong bingi yau aia bai ratak, đậu xị, giá đỗ…

Piah ngak hu janih pandap đậu xị pahe, bingi meng asal ratak tương, mikva mboh lac oh hagiat kan, min meyah oh thau ngak saong oh kuhria caga ginup dom gia vị ye đậu xị ngak tabiak jeng oh bingi, gaok tuk mai nyu khut me-ih oh mbang hu.

Ratak tương mikva paik mai oh pok kanduh chip piah ba nao mepiah, bo caik gam phun kak jeng pok pambu thu hadei di nan tuan jeng mejam dalam sang, pandar tal halei pok kanduh tal nan, yau nan ratak caik hu lavik bo oh huac maok mbang.

Ratak tương hadei di tuk pok kanduh, mikva ba nao tapei ka hacih, palih ruah dom asal prong nde gauk oh njauk maok mbang piah ngak đậu xị.

Piah ngak 5kg đậu xị, brei hu 2 kg sara, 1kg laya that, meteh kg amariak that, dom nguyên liệu (hạt dổi, thảo quả) piah ka nyu mekre meta jang. (Laya that saong amariak rao hacih caik ka nyu thu aia bloh thaok klik)

Ratak tương hadei di tuk palih ruah hacih sa-at ye tuh tame khli hana ka nyu samu tangin, apui jeng gap takre piah ka ratak tương tathak kanjik katam oh khiak. Ratak tương hana tathak blaoh brei aia tame riak tal tuk asal ratak tathak lamin blaoh sraong tagok ka nyu thu aia, aia tuk ratak halang caik karei. Ratak hu tuk tathak blaoh pandih meng 3 tal 4 harei caik ka ratak nyu tagok men meng ba tabiak srau haong laya, amariak, sara saong dom nguyên liệu hu caga blaoh. Piah pandih ka ratak tagok men, siam di abih nan lac hala ndong, palih ruah dom hala prong oh hu halak mbang ba nao rao hacih caik ka nyu  thu aia pambu tapa sa pandiak, ba tame parang dalam la-i, blaoh tuh ratak tương hu tuk tathak tame la-i kateik ka nyu catang, gum sril hala ndong veik juai brei ka nyu ha tabiak klah không khí tame ratak ye oh tagok men hu, tuk kateik katil caik la-i ratak tương nan tame jaik ghing piah khik ginup pandiak ka ratak nyu tagok men samar saong pahe.

Ratak tương pandih tuk mboh nyutagok men samu gauk, ba tabiak srau haong dom gia vị, tuh tame mein jeik hu vành tai, tuh aia riak ratak tuk camereip tame ngak aia cốt di đậu xị, gum mein veik dalam sa adit ye mbang hu. Kayua habar meik jeik hu vành tai piah caik đậu xị, kayua lac mein jeik hu vành tai tuh hu aia vil taom dhal cambuai gam khik hu pandiak, gam plaih hu anek roi ndam tame caih boh, mein jeik caik đậu xị mbuan si khut, oh caik hu lavik.

*Njauk caik hatai thau lac: hanoi piah jhaok đậu xị njauk lac hanoi karei, hacih, oh hu limek. Đậu xị khik piah siam, mbang hu luac thun bo oh khut.

Đậu xị oh lac piah mbang yau nan haong lisei, bo daok hana hu haong rilo ba chỉ atau hu hasit njam pahe tut gam haong đậu xị jeng biak bingi.

Bilan halei jeng yau nan, nao tal bhum palei mikva urang bangsa Mông dalam van mbang huak, baoh sang halei jeng hu jaluk đậu xị mbang haong lisei yau sa janih pandap bingi oh kurang hu di bangsa Mông. Bilan tagok apuh, kreh pandiak hu sa jaluk đậu xị tut haong njam pahe, dấp cá tagok mùi pahe di njam that, hang hang di laya, amariak mboh van huak kreh pandiak bingi cambuai jang hadei di sa var ngak bruk glaih glar./.