Mebuk alak ngak ka drei oh thau hagait. Hu dom janih pandap mbang jhui gaok tame tuk mebuk alak meyah oh khin hu bala.

Cambaih laih nan lac:

Alak mbia ngak ka dom labik tiêu hóa pandap mbang dalam rup takik ngak bruk. Phô mai, bơ ia tasau jeng yau sốt baoh trong ndaiy hu dalam pizza phô mai pahe bingi meda ngak ka drei ợ mesam, kan daok, harak cada atau taluak ta-aok, pandik tian. Bloh socola tra. Jeng yau pizza phô mai, socola hu ralo menyek, limek saong ia tasau, dom janih ini nyu ngak kích ứng dạ dày, ngak ka drei kan daok tuk mebuk. Siam di abih njauk nyaik atah dom pandap hu ralo bơ ia tasau tuk menyum alak mbia meyah oh khin njauk aih caraoh atau pandik bao tử. Bei cuh atau dom pandap hu ralo sara jeng yau nan. Dalam dom van taom gauk, mbang menyum saong ayut sahabat, bei cuh lac pandap mbang hu rilo urang takre. Min, tuk nhậu, siam di abih njauk nyaik atah pandap mbang ini. Kayua menyek saong sara bei cuh nyu ngak ka drei lahik ia, saong daok ngak ka drei menyum alak mbia ralo jang. Nan oh ka ndom tal tuk gam menyum alak gam mbang bei cuh, drei mbuan njauk pandik tarakaong.  

Alak mbia ngak jhak tal bao tử, kayua yau nan ye, mbang dom baoh kayau mesam di tuk daok mebuk yau cam, kruac bung, quít, dom janih baoh kayau mesam lac oh siam. Nyu oh siam ka bao tử, ba tal bruk mbuan pandik saong loét bao tử. Meyah drei lapa mbang baoh kayau, njauk mbang baoh patei. Gam bổ gam siam ka bao tử di drei.

Tuk nhật, urang bhian menyum mbia haong mbang har kem.

Ngan saong dom urang tian siam, meda kan daok saong kan ralai hasit min ngan saong urang halei pandik bao tử, kan ralai atau tian oh siam ye tuk mbang har kem gam menyum alak mbia ye mbuan aih caraoh, pandik tian saong taluk ta-aok.

Kayua lac dalam kem hu biak ralo menyek, bơ, baoh menuk ada, ia tasau ngak kích ứng bao tử tuk mbang gam dom janih hu cồn. Siam di abih tuk drei mboh tian drei oh drum hu ye tok di mbang har bông lan saong mepiah kem veik./.