Jalan ngak tuk uranaih njauk pandung:

Samar caik labik pandung ala vòi ia liar atau tauk sa blah khan pasah li-ar tagok labik pandung tal tuk labik pandung nyu takik pandik.  Pacang dom tanut pandung sit meng băng atau gạc; ba tal bác sỹ dak samar dak siam meyah labik pandung di angaok mbaok, tangin atau  bộ phận sinh dục, atau nyu prong jang 3cm.

Meyah labik pandung nyu dalam, klik hu sambo patih atau ngu song thu, njauk nao tal bilik khám cấp cứu. Meyah labik pandung meng 1/10 rup pabhap tagok, jhui pandar gạc liar, ieu cấp cứu  song mek sa blah khan bai saat pacang ka uranaih piah caga hạ thân nhiệt mbiah tal tuk hu bruk dong.

Jhui ngak pacah labik pandung. Meyah klik nyu tahaak, luk kem kháng sinh song pacang labik pandung meng băng atau gạc mbiah tal tuk labik pandung nyu siam. Caik hatai tui iek labik pandung nan nyu meriak, brah, atau sre ia halei oh, nan lac dom dấu hiệu di nhiễm trùng.

Pandung  kayua pandap mbang atau chất lỏng pandiak lac bala pandung bhian gaok abih di uranaih meng 6 bilan tal umo 2 thun.

          Bruk njauk ngak tuk uraniah sraiy darah dhung:

          Brei uranaih daok la tapak, jhui mbaiy akaok tabiak gah likuk. Taoh cadu takuai aow.  Capat dhung song brei uranaih kuk nao gah anak dalam 5 tal 10 minite. Bloh pasang iek dhung, drah meda sraiy suai jang.

Dalam tuk iek glang: meyah sraiy drah dhung kayua chấn thương, patrun brah meng bruk chườm ia patau tagok dhung hadei di tuk drah sraiy takik. Meyah drah daok sraiy hadei di 10 minite atau hadei di nyu sraiy veik, njauk ieu bác sỹ atau ba uranaih tal cơ sở y tế piah tui iek