Dom harei pandiak, pa-uh, nhiệt độ lingiu lingik tagok glaong, pacang bruk tabiak pandiak daam rup athur raong, menuk ada, ngak ka rup di nyu pandiak rilo mbuan ba tal cảm nắng, cảm nóng, oh siam ka pren yava, patrun năng suất di athur raong. Mikva njauk caik hatai sangka tui iek siam ka tapon menuk ada, athur raong di drei.

Pasang iek athur di bilan pandiak

Kadha mbuan mboh di abih tuk menuk ada, athur raong njauk pandiak lac, nyu dang oh tapak, nao mai khin labuh. Rup pandiak glaong meng 40-41⁰, nyu suak yava, luan suan khang, meta camereip peih praong, hadei di nan sit veik. Tukvak puac abih, nyu kan suak yava, kan uan suan, jih meta jhuk, co giật, oh megei hu bloh metai.

  Meyah daok palao atau daok pajeng ba, njauk tui iek piah samar mboh saong ba mek ada athur raong tame labik halui, li-an, ba trun radaih pajeng piah nyu tabiak pandiak. Peik kadik meng gah anak piah ngak ka nyu trun pandiak.

Ngan saong limo, kubao: mek khan li-an uak ka nyu, uak meng mbaok, akaok tal abih up, meng 1 tal 2 tuk hadei meda pamenei ia ka nyu. Jhui mek ia li-an tuh tapak tame akaok, tame kaok di nyu, kayua ngak yau nan nyu mbuan sốc, having. Ngan saong pabui, tuk pajeng bo njauk pandiak, tuk radaih padeih njauk pruh ia ka nyu piah patrun pandiak, meyah suai pruh ia, pabui mbuan metai.

Daok menuk ada athur raong dalam var ro njauk pandiak, njauk ngak brei lahơi var ro, dãn mật độ; brei menyum ia li-an hu lai chất điện giải, vitamin C. Meyah ngak hu, drei saok rau má, lá diếp cá brei nyu menyum ye pandiak trun samar jang. Daok menuk ada athur raong njauk ruak trak, brei menyum jru pasiam thần kinh, tim mạch saong hô hấp; meda klauk tame rak darah nyu dung dịch glucoza, ia sara sinh lý, dom jru pabak ren yava… Njuak thau lac, hadei di tuk njauk pandiak, pren yava di menuk ada athur raong oh daok khang kadang, nan ye njauk pabak dom vitamin saong men tiêu hóa ka nyu pabak pren, plaih dom ruak patui di nan.

Mikva caik hatai ngak var ro ginup li-an la-hơi. Njauk pala phun pacang halui tabung, phun sro tagok tabung atau halăm jhuk pacang gah ia harei tame, meda pruh ia tagok tabung. Caik kadik di labik gah anak ngin piah ba ngin tame var ro, jhui caik quạt trần di dom var ro oh hu trần cách nhiệt; menek ka pabui 1 tal 2 mbang dalam harei; brei menyum ginup ia saong ngak li-an ka menuk ada, athur raong, pabak điện giải, vitamin C. Meyah máng menyum tự động oh ginup ia, njauk pabak parilo máng menyum.

Dalam dom harei pandiak, njauk brei menuk ada athur raong mbang tuk page mesup saong bhiar harei, patakik pandap mbang min patagok chất lượng pandap mbang, ngan saong athur mbang harei, brei patago parilo pandap mbang hijao; oh palao, oh brei nyu ngak bruk di ingiu pandiak khang dalam suia livik.

Tuk pajeng menuk ada athur raong dalam dom harei pandiak, njauk pajeng tuk melam, atau tuk page mesup, atau biar harei li-an. Meyah pajeng jalan atah, njauk caik ka nyu padeih padei tuk pandiak khang, ba nyu tame labik halui la-an, hu rilo phun kayau piah pasang iek, pabak pandap mbang, ia menyum (hu điện giải saong vitamin C), tui iek pren yava di nyu dalam luac tukvak ajeng ba. 

  Kadha “Urang ngak hamu caong thau” tal ini likau padeih. Kadha ini kayua rayo sap ndom VN pambuak saong Pasak pachreih nong pakat negar ngak.