Having akaok mai meng rilo makna , hu parabha jeng dua janih nan lac:

Having akaok rah tabiak samar: Mboh having akaok chip tuk daok la atau daok dang chip, oh hu kadha halei brei thau dahlau lac having akaok, nyu rah tabiak dalam darah samar, mboh having tuk megei akaok. Dahlau di tuk having akaok, urang ruak bhian mboh sabil meta saong heng  tanye. Having akaok rah tabiak chip saong mboh khin taglaoh ta-ok, having akaok meda rah nao rah mai, livik livik harei ngak brei tanye pang oh daok cambaih. Ruak bhian mboh di urang mebuk hatai lô, duh hatai lô. Makna di nyu kayua lihik thăng bằng di áp lực dịch chứa dalam tanye dalam. Piah pasiam ruak, brei ngak patrun áp lực dịch, dalam nan hu jru ngak brei mbuan nao me-ik, takik mbang sara, takik mbang dom janih pandap hu cafein (yau cà phê, tea, sôcôla, sôđa) pambuak haong dom janih jru having akaok saong brei padeih padei, meyah khang njauk blac raih cakak klak talei rak thần kinh tiền đình. Hu dom janih ruak jeng ba tal having akaok yau ye: laka tanye, pandik tanye dalam, chấn thương atau dahlau deih hu blac raih bloh, brah talei thần kinh tiền đình, heng tanye, dom janih ruak meta yau ye: loạn thị, cận thị, viễn thị...; mai meng dom janih jru yau streptomycin, gentamycin...;  kayua alak, jru phiel ma túy; mebuk radaih, gilai, saong takik mboh jang nan lac pandik laka talei rak thần kinh labik takuai (pandik laka talang takuai ka 2, ka 3).

Ảnh: vietbao.vn    

Having akaok kayua glo akaok: darah takik nduac tagok glo akaok, trun darah, njauk ruak Wallenberg, darah pataom di glo akaok, brah glo akaok. Lingiu di nan, hu dom makna karei jeng ngak brei having akaok yau ye: pandik akaok Migraine, ruak Parkinson, giang mai thần kinh...  mboh having akaok tuk dang tagok atau daok la nan lac sa bruk bhian mboh di dom urang ruak hu huyết áp biar, tui sap Yuan bhian ieu lac hạ huyết áp tư thế. Makna di nyu meda kayua rup pabhap glaih glar, takik pren yava atau njauk dom janih ruak mãn tính halei nan. Ruak daok kayua hẹp rak darah di takuai ngak brei darah tagok glo akaok takik atau kurang darah nduac tagok glo akaok kayua xơ vữa động mạch. Bruk ini bhian mboh di urang taha praong thun. Kayua yau nan ye, dom urang ruak mboh hu  dom kadha yau ini, dom gru jru bhian brei panuac kakei jhui dang tagok atau daok la chip, bo njauk ngak dalam chậm rãi, từ từ piah ka rup pabhap  nyu lagaih tui.

         Daok bruk iek ruak, meyah hadei di tuk mboh lac oh kayua hẹp động mạch cảnh kayua xơ vữa tapa bruk brei ka urang ruak ngak siêu âm Doppler rak darah dua gah takuai, urang ruak meda pandar dom janih jru ngak brei darah tagok glo akaok, pasram rup pabhap saong abih di nyu nna lac pasram njauik jalan, meda ba mai ka urang ruak rilo siam lagaih./.