Pasiam ruak mbang kan si tieu, ngộ độc alak harei tet

Pathau mikva saong grauk yut !

Bein sang bhian hu rilo janih phun gam lac pandap mbang menyum, gam lac jru siam. Meyah thau pandar phun jru ini, dom ruak yau mbang huak kan si tieu, ngộ độc pandap mbang menyum, cảm pandiak, atau njauk ula kaik jeng oh daok duh hatai. 

Dom janih jru njauk pandar tuk mbang kan si tieu, ngộ độ pandap mbang menyum:

-Ia nụ vối meda pasiam hu ruak aih troh. Jalan ngak : nụ vối, kanduh baok dalim, laya ( yaok janih 5-10g rao hacih buh tame gaok, tuh ia riak tasak, aiak mek ia klak kanduh. Parabha jeng 3 mbang menyum dalam harei. Njauk menyum 2 - 3 harei.

- Quất tasak 100g, alak mbon 500ml, tram dalam dua adit lac pandar hu. Menyum 15-20ml alak quất dahhlau yaok var mbang nyu pasiam hu bruk mbang huak kan si tieu, daong mbang bingi, pachreih tiêu hóa.

- Hala tía tô 100g, rao hacih, mbang haong lisei yau njam atau saok klik capat mek ia cốt menyum dom mbang dalam harei.

- Harei Tết meyah pandik tian, menyum sa cavan tea kanyik meda mboh abih pandik.

- Dom hala húng quế dalam dom pandap mbang daong patagok bruk ngak di bộ máy tiêu hóa, caga mbang kan si tieu.

- Laya daong giải độc drak samal tuk ngộ độc pandap mbang menyum. Meyah oh hu tukvak, meda saok klik dom klaih laya atau sa hanui laya lai dalam sa cavan ia pandao blaoh menyum samal tuk nan.

- Dom klaih kanduh quýt meda daong patagok tiết dịch vị, meng nan mbuan si tiêu hóa pandap mbang, caga kan si tieu, rối loạn tiêu hóa, taglon .

Dom janih jru ala ini nyu giải alak, pasiam ruak ngộ độc alak :

Tuk menyum alak, abih di nyu nan lac dalam dom harei Tết, njauk mbang gam măng tây that piah giã alak samal jang.

- Blei sa kacao ngó sen that caik dahlau, tuk caong pandar ye saok klik iak mek ia menyum, meda giải độc alak.

- Menyum ia riak haong bingu sắn dây meda mboh tỉnh táo jang .

- Mameh dom phun njam puan that jeng giải độc alak hu..

- Mbang bu ritak aih takuh, bu ritak juk atau bu sắn dây. Mbang tuk pandiak atau la ar jeng hu.

- Menyum tea Artichaud piah daong gan thải độc samal.

- Ilamu tuk menyum alak di urang Nhật lac njauk mbang gam saong đậu hũ atau birok metah. Nan lac kayua dom pandap mbang ini hu rilo vitamin B1 – janih vitamin giải alak siam di abih .

Thúy Linh