Pandik di talang takuai nan lac dom janih ruak di dom talang takuai, tuk camereip tok lac khut khớp di dom diện thân đốt, đĩa liên đốt tal dom màng, dây chằng, livik livik harei nyu ba tal pandik dom talang, ngak brei pandik di takuai, abih di nyu nan lac tuk megei takuai. Urak ini, urang ruak pandik talang takuai dak harei dak mboh rilo kayua bhian randap daok la ngak bruk oh lagaih dalam sa tukvak suai livik. Labik takuai saong gah likuk takuai oh bhian megei nao megei mai atau gam gam daok kandang di sa labik. Lingiu di nan, meda kayua bruk mbang menyum daok kurang dom  chất khoáng, canxi… Kadha njauk biai nan lac ruak dak harei dak hu mboh rilo di dom urang daok raniah, rilo menuac umo meng 25 – 28 thun ye njuak ruak pandik talang takuai.

 Urang njauk ruak pandik talang takuai bhian mboh pandik takuai tuk megei, nyu pandik meng gah likuk takuai tabiak tal tanye, akaok, dhei, tabiak tal kuk bara… ngak ka takuai takik megei nao mai hu. Urang ruak mboh glaih glar, akaok having, mboh limin takai tangin saong meda labuh chip. Urang ruak pandik talang takuai livik thun meda hu dom kadha karei yau pandik dua gah tangin, pandik tal palak tangin, tuk halei jeng mboh pandik di kreh akaok saong di dua gah meta....

Nguồn: Vietbao 

Pandik talang takuai meyah oh hu pacang caga, oh samar hu iek ruak mbuan ba tal thoát vị đĩa đệm talang takuai. Ruak ini pasiam oh mbuan. Ngan saong sa thoát vị đĩa đệm talang takuai hanjul saong mbiah di tanut   1- 2 ye iek ruak ngoại khoa meda siam hu. Daok ruak di tanut 3 - 4 saong hu chèn ép tuỷ ye brei blac raih. Hadei meng blac raih meda caik veik dom kadha yau viêm dính màng nhện tuỷ atau viêm dính đám rối thần kinh, viêm talang takuai kayua nhiễm khuẩn… Pandik talang takuai mbuan ngak tổn thương tame gilaong tiếp hợp, ngak srau jalan darah nduac di glo akaok. Gaok tuk nyu ngak brei oh megei hu sa atau dua gah tangin, ba tal chèn ép tủy, takuai, tangin takai oh daok mboh thau hagait, rối loạn thực vật, chèn ép rak darah, tủy atau ngak brei rối loạn thần kinh thực vật.

 Meyah njauk ruak thoái hóa talang takuai hanjul, brei padeih padei, thư giãn, pambuak haong vật lý trị liệu an toàn, plaih vật lý trị liệu khang ngak khut talang sụn di talang takuai ngak brei ruak trak jang. Lingiu di nan meda pandar jru giãn cơ, jru patagok thần kinh atau vitamin… Iek ruak tui jalan vật lý trị liệu meda pathram talang takuai meng bruk megei sit sit meng kuk, pandang, mbleing, payeng min oh ngak ka nyu pandik jang, oh ngak brei having akaok… Pathram megei takuai mbiah mbiah, megei oh ngak brei pandik jang. Hadei di yaok mbang megei talang takuai, njauk ndih padeih padei dalam meteh tuk. Urang ruak jeng meda capat sit sit atau uh ia patau, pasang gom hồng ngoại di labik talang takuai. Dom canau tangin di dua palak tangin pak tame gauk kua tame likuk takuai bloh dui nao dui mai 10 mbang. Bloh capat labik kreh dua gah talang bara, dom cơ labik gah likuk takuai./..