Ruak sỏi thận lac sa janih ruak bhian mboh di urak ni, meyah sỏi dok sit meda menyum jru ka sỏi nyu ralai lihik, daok meyah asar sỏi prong njauk blac raih chip. Dahlau deih ruak bhian mboh di urang praong thun atau umo  taha, min urak ni urang halei jeng meda njauk ruak sỏi thận. Dom urang ruak sỏi thận bhian lac dom urang oh mbang mesup, oh takre menyum ia, mbang rilo limek song takik ngak bruk, takik nao mai. Ruak sỏi thận nyu ngak ka urang ruak mboh pandik khang. Kayua yau nan ye nyu kan kandah oh sit tal rai duik jang yau bruk ngak di urang ruak. Iek pasiam ruak sỏi thận lac bruk njauk ngak, meyah caik ka pandik dui atah, meda  ngak jhak tal pren yava di urang ruak.

Jalan piah pasiam ruak sỏi thận

Meda pandar lahong, ngò gai, boh menaih piah pasiam ruak. Boh lahong hu pala  rilo di taneh ia, mbuan duah nan ye biak lagaih dalam bruk pandar piah pasiam ruak sỏi thận. 

Caga dahlau: sa boh lahong 400 - 600g kanduh dok hijao, njauk palih dom boh dok rilo katak, kayua katak lahong lac janih jru siam. Meyah palih boh lahong taha ye katak nyu takik, daok boh sit ye nyu bhik song oh ginup piah ngak ralai sỏi thận.

Rao saat lahong, cakak akaok cakak ku mek abih asar saong ralo klaak tabiak. Piah tamo kanduh hajao song katak caik tame dalam gaok sit atau cặp lồng, tuh ia tame raik cách thủy dalam 30 minite ka lahong nyu tasak, buh hasit sara tame lahong piah mbuan mbang. Mbang hadei di tuk huak lisei piah oh ảnh hưởng tal dạ dày, yaok harei mbang sa boh. Meyah sỏi thận sit jang 10mm ye mbang 7 boh dalam 7 harei, meyah labaih 10mm ye mbang rilo jang song mbang gam gam, meyeh mboh kan mbang meda tut song saradang piah mbuan mbang.

Langiu di nan, drei meda pandar bingu lahong tano piah pasiam ruak sỏi thận. Mek sa kacao bingu lahong tano saok klik lai song ia li-an bloh aik mek ia menyum 3 mbang dalam harei. 

Dalam tuk iek ruak sỏi thận meng boh lahong, drei njauk nao khám piah thau asar sỏi nyu trun sit halei oh, meyah mboh nyu trun sit njauk mbang veik tra. Meyah mboh oh trun sit, njauk iek ruak meng jalan karei khang jang piah pasiam ruak sỏi thận.

Jalan pasiam ruak meng ngò gai

Mek sa kacao ngò gai hơ tame apui ka nyu layau, hadei di nan caik tame dalam gaok tuh 3 panyin ia tame raik tal tuk dok 2 panyin jru. Parabha jeng 3 mbang menyum dalam harei, menyum tuk mesup, jala pandiak, song melam, menyum dahlau di var mbang piah nyu siam jang. Ngan song urang likei brei menyum gam dalam 7 harei, dok urang kamei nan lac 9 harei. Ni lac jalan iek ruak tui bhap bini. Hadei di tuk menyum dalam 7 tal 9 harei, njauk nao khám piah iek sỏi nyu sit veik halei oh piah duah jalan iek ruak siam jang. 

Urang dok hu iek ruak sỏi thận meng boh menaih: Phluh gilaong boh menaih bloh buh hasit likhuan tame dalam kreh boh menaih, ba nao am tasak bloh aik mek ia menyum. Menyum dalam dom harei ruak meda abih. Bruk pasiam ruak sỏi thận meng boh menaih ni biak siam dalam bruk patrun dom mbang pandik khang kayua ruak sỏi thận.

Dom janih jru bhap bini nan iek ruak sỏi thận biak siam, min tok pandar dalam tuk asar sỏi dok sit. Hadei di tuk pandar dom janih jru nan piah iek ruak sỏi thận, drei njauk nao khám iek asar sỏi nyu ralai atau trun sit halei oh. Meyah mboh oh ka cadu ruak, njauk ngak tui dom jalan bo bác sỹ ba tabiak piah iek ruak ka nyu thit abih. Dalam tuk iek ruak sỏi thận, brei menyum rilo ia piah dong ka bruk ralai asar sỏi piah ba nyu tabiak gah langiu./.