Pathau mikva saong taong abih gauk

Harei Tết, rilo janih pandap mbang hu rilo đạm, rilo limek, gam haong alak, tapai, ngak ka tung pruac drei oh siam. Bhian gaok di abih nan lac viêm loét dạ dày saong njauk jru mek pandap mbang. Njauk langyah yau habar?

Yau habar ieu lac viêm loét dạ dày?

Camereip di abih bhian mboh pandik tian di labik angaok pasak, ợ hơi, taglaong ta-ok, hu menuac ta-ok tabiak darah saong nao ruak tian tabiak khak jhuk, meda ngak haluh dạ dày, ngak brei pandik tian biak khang. Dom urang viêm loét dạ dày bhian mbuan njauk veik dalam tuk Tết kayua rilo makna yau ye: căng thẳng, medeih livik melam, sahneng kuhria rilo, mbang menyum oh njauk tukvak, mbang rilo janih pandap oh siam ka tung pruac, yau ye pandap mesam, hăng, alak, tapai.

Jalan pacang caga saong langyah:

Njauk sahneng lac uan thun bahrau lac dom harei kol drei hu padeih padei hadei di sa thun ngak bruk glaih glar. Jhui ngak ka rup drei jar var rilo bruk atau mbang rilo janih tok ngak brei rup pabhap glaih glar jang. Njauk thau lac, ruak viêm loét dạ dày lac ruak meda tamuh veik saong jalan ba tal ruak hu pambuak pagam tal bruk mbang menyum. Kayua yau nan ye, yaom lac bui sambai thun bahrau, kol drei jeng brei mbang menyum njauk tukvak, takik menyum alak tapai, takik mbang dom janih pandap mbang mesam, hăng, pandap mbang hu rilo gia vị piah plaih pandik tian kayua viêm loét dạ dày nyu tamuh veik. Tuk mboh pandik kayua viêm loét dạ dày tamuh veik, kol drei meda menyum dom janih jru trung hòa acid yau Phosphalugel, Kremil-S piah samar trun pandik dahlau di tuk nao tal bác sĩ.

Jalan pacang caga saong langyah bruk njauk jru mek pandap mbang

Njauk jru mek pandap mbang kayua pandap mbang khik piah oh siam, atau caik livik harei hu vi khuẩn. Nyu ngak brei pandik tian labik angaok pasak gam tui taglaong ta-ok, atau pandik tian labik gah la pasak, atau pandik abih tian, nao ruak tian mboh hu ia atau labar, hu darah saong mboh rup pabhap pandiak glaong. Sa jalan njauk jru mek karei lac njauk jru mek kayua mbang pandap mbang đóng hộp, bhian rah tabiak di dom taneh ia Âu Mỹ, min jaik di ini hu mboh ralo di Việt Nam. Jalan njauk jru mek ini kayua jru mek di janih vi khuẩn kỵ khí  nyu tamuh tabiak dalam hộp sir, kurang oxy kayua pandap mbang hu đóng hộp, ieu lac Botulinum toxin. Tuk mbang pandap mbang hu ngak bloh saong hu đóng gói, njauk pilih ruah pandap di labik ngak hu angan je, njauk caik hatai tal harei ngak tabiak saong harei abih hạn. Ngan saong pandap mbang đóng hộp, hadei di tuk khui hộp tabiak, njauk riak veik ka nyu jru kayua jru mek Botulinum toxin biak mbuan khut di nhiệt độ glaong. Pandap mbang njauk riak tasak, khik piah siam.

Tuk njauk jru mek pandap mbang, brei pabak ia saong dom janih điện giải meng menyum jru ORESOL NEW (sa pok jru ini lai haong 200ml ia, jru ini nyu pahe, mbuan menyum), menyum tuk mehu ia saong menyum hadei di yaok mbang ta-ok atau aih craoh. Njauk caik hatai meyah mboh vọp bẻ, pandik tangin takai, pandiak glaong, nao ruak tian hu darah ye samar tame sang iek ruak piah plaih ruak trak, ngak kan kandah tal pren yava./.