Bruk ngak nong buh khak hữu cơ nan lac jalan ngak nong  (nan lac jalan ngak nong biak thân thiện) biak siam haong alam môi trường, daong pasiam veik, khik ramik hệ sinh thái tự nhiên saong pabak hatai caong khin bổ dưỡng di urang blei pandar.

Ngak nong hữu cơ daok lac bruk di dunya ngan haong 43 triệu ha mblang taneh cakrok patagok bruk ngak nong hữu cơ, ngan haong darak pasar jaik 80 tỷ đô la Mỹ saong tốc độ cakrok patagok dom thun jaik di ini biak samar. Tal urak ini, Việt Nam hu labaih 70 ribau ha ngak nong hữu cơ di 33 puk palei dalam negar ngan haong ralo mô hình di dom doanh nghiệp, Tập đoàn prong yau: TH, Vinamilk…

Urak ini, pandap panda hữu cơ pak Việt Nam daok biak bahrau ngan haong urang blei pandar. Darak pasar ngak nong hữu cơ hu yaom pablei pandap panda hữu cơ daok glaong; dom tiêu chuẩn taong yaom daok yếu saong kurang, oh ka hu dom hệ thống chứng nhận cambaih laih. Dalam tuk nan, urang blei pandar daok oh ka thau cambaih “pandap panda hữu cơ”, gaok tuk mai daok meluk haong pandap panda hacih saong pandap panda organic. Ong Lê Thành, Akaok Viện Ngak nong hữu cơ ndom lac, patagok dom bruk ngak nong hữu cơ njauk pataom tamE dom janih pandap bo Việt Nam hu pren khang yau: phun jru, la-u saong menyek la-u piah pablei tabiak negar langiu. Daok darak pasar dalam negar njauk cakrok pataok dom janih njam patam, baoh karaoh organic gam pabak hatai caong khin di urang pandar dalam negar, gam meriak gauk haong dom janih pandap blei tame meng negar langiu. 

Ong Lê Thành brei thau: Paglaong akaok saneng di bhap bani ka bruk ngak nong hữu cơ, njuak hu chỉ dẫn địa lý saong khan brei ka bhap bani thau thei ngak tabiak janih pandap hữu cơ. Tpahia di nan ngak jeng kênh phân phối mong nan lac labik njauk caik hatai jia saong sanya ba brei pandap hữu cơ; pandar bảo hiểm ka urang ngak tabiak pandap panda hữu cơ. Patagok darak pasar pathau khan paglaong yaom di dom janih pandap dinh dưỡng bo daok mong nan lac jalan ka “giá trị rai diuk”, khik iek môi trường sinh thái. Taphia di nan njauk hu sarak daong ka dom doanh nghiệp, cá nhân peih ngak dalam chuỗi giá trị gah hữu cơ.

   Tui Thứ trưởng Mentri ngak nong saong patagok palei pala Trần Thanh Nam, piah peih talAih dom kan kandah, jhul patagok bruk ngak nong hữu cơ, jalan ngak siam di abih nan lac pasiam thể chế kinh tế, dom cơ chế, sarak. Tukvak anak tal, Mentri ngak nong saong patagok palei pala meda pambuak bruk haong dom jabat pagam tal padang ngak saong pasiam “Nghị định ka bruk ngak nong hữu cơ” piah pok tagok Thủ tướng Raja-ei patabiak dalam tukvak samar di abih.

Ong Trần Thanh Nam brei thau: “Jalan ngak di Mentri ngak nong saong patagok palei pala nan lac pataom tame tacei pato ngak tabiak dom janih pandap an toàn tui dom quy trình Pathram bruk ngak nong – VietGap, Global Gap. Patagok bruk ngak nong khang kajap, siam ka môi trường, khik kajap năng suất saong pren meriak gauk, dalam nan pachreih cakrok patagok bruk ngak nong hữu cơ. Ini lac hatai caong khin prong saong lac pren khang piah cakrok patagok bruk ngak nong hữu cơ tapa nan pok tagok Raja-ei dom jalan ngak pachreih saong daong ba./.