Ngak 5 sào taneh song nao ngak mbang pah luac thun, jien duah hu tok ginup ka duik pasang Y Liễu Byă, daok di buôn Cuê, xã Băng Ađrênh pandar cai song rong DUA urang anek sit. Thun 2012, hu urang  jakar  pasak  pato bruk ngak huyện Krông Ana trun palei pathau khan jak ba, saai khang hatai tame tal bac pasiam radeih mac. Hadei di 6 bilan bac bruk ngak, saai mesraiy jien peih tiệm pasiam radeih mac. Hadei di sa thun, saai bayar abih sraiy. Bloh sa-ai patak patom hu jien ngak sang, peih quan tạp hóa ka duik pablei salih. KT boh sang dak harei dak ginup meda.

Saai  Y Liễu Byă brei thau “ Dahlau di tuk bac pasiam radeih, jien duah hu harei halei ginup ka harei nan. Bac bloh, hulin peih cửa hàng pasiam radeih di palei. Sa harei duah hu labaih 500 ribau đồng. Yaom lac kan atau mbuan hulin jeng pasiam hu ka urang dalam palei.

Sang saai  Y Păn Bkrông, daok di palei Nắc, xã Ea Bông, tabiak truh kan kathaot meng bruk padang ngak. Saai Y Păn dahlau deih ngak phụ hồ, jien pah lap song bruk ngak oh tani tanat.  Hadei di tuk bac tal padang ngak di pasak pato bruk ngak huyện Krông Ana, saai taduan ngak sang danaok sit dalam palei. Tuk hu công trình prong, saai hu po thầu ieu mai ngak song bayar jien bilan tui thợ chính. Hu tay nghề nan ye bruk ngak di saai hu gam jang, jien duah hu tani tanat jang: “Urak ni hulin nao ngak hu meng 6 tal 7 triệu đồng. Hulin hu ngak 2 boh sang dalam palei. Dalam palei thun 2015 hu 10 urrang bac xây dựng, bac bloh jeng meda ngak hu nhà tắm, ngak jaman ka urang dalam palei”.

Daok H’On Niê, buôn Riăng, xã Ea Bông, pasak pato bruk ngak Krông Ana lac boh tatua ba hatai khin tuk dok sit di H’On hu jeng biak. Hu urang jakar Pasak tacei ba, nao bac jik oh abih jien bo dok hu daong jien nao bac, H’On uan tabuan. Hadei di tuk bac bloh, H’On mesraiy jien blei jamriak mai peih tiệm jhik di sang. Yaom lac ngak hu dom bruk mbuan yau sửa khan aow, salih dây kéo, min bruk ngak ni tuk lahe hu ba mai ka  H’On labaih  60.000 đồng sa harei. Ni lac jalan peih tabiak ka H’On kham merat: “Hulin biak takre bruk jhik ni, tuk halei bloh bruk iek glang cà phê hulin nao bac tra piah paglong ilamu. Hulin cong khin jhik hu pandap ka drei, ka anek bhik, ka menuac urang .

Rilo urang nong dok tah di Krông Ana yaok rituh km jeng mai ni bac bruk. Saai Nguyễn Quốc Hậu, daok di palei  Tân Lợi I, xã EaVy, huyện Krông Pách, tỉnh Đắc Lắc brei thau, labik saai dok hu rilo hareik harom, nan ye saai mek pala bimao langiu langik. Min jalan ngak ni abih rilo nguyên liệu, jien buh tame glong bo kein liba takik. Thau pasak pato bruk ngak Krông Ana pato bruk pala bimao trang trại nan ye saai nao tal. 4 tuk mesup yaok harei saai papaok pandap mbang ba tui  piah nao tal pasak pato bruk ngak. Tapa nan, saai jak jeng song jalan nao bahrau “ Hu cei gru anai gru abih hatai tacei pato, mai sang adei pala bimao hu siam, jien duah hu dak harei dak tagok. Mik va dalam palei hu mai mong iek song bac megru, min adei bahrau daong hu ka dom urang. Rilo urang khin bac ye adei tacei tagok pasak, min nao bac biak tah, nan ye urang oh nao”

Tui jalan ngak lac “ Pato bruk XH khin, oh pato bruk urang nong takre” Pasak pato bruk ngak Krong Ana hu peih labaih 20 tal dalam sa thun ngan song 16 bruk yau padang ngak, pasiam radeih mac, nghề jhik, pala bimao, kỷ thuật điện, rong thú y… Pasak  padang Tổ thực hành piah ba kỷ thuật tame pandar, paglong ilamu ka urang jakar, gru pato, pasiam patagok ilamu ka urang bac. Dom Tổ thực hành ni hu ba bruk ngak ka labaih 10 urang.

Tui pasang iek di Pasak, hadei di tuk pato megru bloh, hu labaih 100 mô hình ngak mbang ba jien tame tani tanat ka urang bac di 8 xã, ban sit dalam huyện Krông Ana. Kein laba di abih lac dom bruk pala bimao, pasiam radeih mac, padang ngak dân dụng, rong menuk ada athur rong. Dalam nan hu labaih ¼ mô hình lac di urang bangsa takik . kein laba di yaok mô hình meng 5 tal 15 triệu đồng. Labaih 90% dam dara bangsa takik bac bruk padang ngak song hu bruk ngak tani tanat 

Amuk Đinh Thị Danh, Giám đốc Pasak pato bruk ngak Krông Ana, ndom lac “ Hatai khin hu bruk ngak dalam tong abih urang jeng hu, khol drei tác động tame hasit min. Abih di nyu nan lac ngan saong dam dara bangsa takik ye hatai sahaneng piah hu bruk ngak biak glong, meng pato bruk hu ngak pamedeih tagok dalam dom urang nan hatai cong khin ka rai duik siam mekre jang, caong hu bruk ngak piah patagok jien mek tame. Tui điều kiện di Tây Nguyên ye oh cang nao halei, dok di labik ni, di angaok taneh ni, abih di nyu nan lac anek saih likei bangsa takik, urang hu pren yava biak siam, tok tacei jalan ka urang nao, ye hu jak jeng./.