Meyah lac dahlau di mbang ribuk dakrai sajarah thun 2000, urang nong Bhum taneran kraong Cửu Long jang yau tỉnh Đồng Tháp tok ngak dua vụ padai dalam thun. Min tal ini mblang taneh ngak padai 3 vụ oh padeih patagok tui tukvak. Yau nan min, oh tỉ lệ thuận haong sản lượng, jien mek tame di urang nong dak harei dak trun. Ralo kadha daok ba tabiak lac ngak padai 3 vụ njauk daok ngak ka urang nong kathaot nao halei…? Kadha vak ini hu peih ngak di tỉnh Đồng Tháp. 

      Di mblang taneran xã Tân Hội, bal sit Hồng Ngự - Đồng Tháp mikva urang nong bắt đầu peih ngak vụ mùa bahrau. Ini lac vụ ka dua dalam thun bo mblang taneran ini trun pajaih. Kayua lac labik dhaong, nan ye dom thun jaik di ini mblang taneran di ong Lân Văn On, Xã Tân Hội nan lac mblang taneran takik mboh aia dauk di bal sit Hồng Ngự. Dut haong dom mblang taneran karei, mikva labik ini takik hu bruk ngak dalam 3 bilan mùa aia. Yau nan min salih gilac yaok vụ padai jeng hu brei năng suất glaong jang dut haong dom labik jaik taphia. Ndom ka kein laba, labik ini mikva jeng hu laba jaik 2 triệu đồn sa công yaok vụ. Ong Lâm Văn On – Xã Tân Hội lac: Dahlak mboh ngak dua 2 vụ ye gap ye 3 vụ bo khak jru abih mbon jeng oh hu kein laba hagait. 2 vụ dahlak mboh laghaih jang kayua lac phù sa daok ralo. Taneh ini buh khak jeng daok mbuan jang dom vụ dahlau. 

      2 vụ atau 3 vụ ngan haong bhap bani takik taneh labik ini oh tok brei mboh ka gah con số bo nyu daok lac sa quá trình kuhria kuhria. Dalam ar pacang đê bao mbang chắc ye njauk ngak 3 vụ kayua lac meyah oh ngak padai ye jeng oh ka thau njauk pala phun hagait ka nyu siam. Yau nan min, aia oh dauk hamu, phù sa oh hu, jit ruak dalam taneh daok kandaong, jit ruak daok hu điều kiện cakrok patagok, chất taneh njauk suy thoái, dinh dưỡng dalam taneh oh hu ralo… ngak ka bhap bani njauk patagok lượng khak, patgaok lượng jru pametai jit ruak, halak halin… Kayua nan ye di dom mblang taneh ini bruk pala drak daok pandang mbaok haong biak ralo rủi ro saong tất nhiên kein laba mek hu biak kan. Ong Lâm Văn Luông Em, bal sit Hồng Ngự brei thau: Hu aia sua aia dauk ye hu phù sa, oh hu aia ye oh hu phù sa oh hu ye ngak oh hu kein laba. Dom mblang taneran diah ngak gam gam nan ye phù sa oh hu yeu nan ye ngak padai oh đạt.

      Anak bruk yau nan, urang pal akaok bal sit Hồng Ngự blaoh saong daok đề xuất ba tabiak dom jalan ngak piah gam haong Ban khik iek dự án thoát lũ saong patagok  bruk ngak mbang dalam bilan aia ndik aia sua di dom huyện gah Barak tỉnh Đồng Tháp roh duah, ba tabiak jalan ngak salih ka bruk ngak padai vụ 3 ka mikva. Mục tiêu nan lac patrun mblang taneh vụ 3 dalam mùa aia. Salih tame nan, bhap bani njauk peih ngak  mô hình sinh kế pambuak pagam haong điều kiện di puk palei. Dalam nan mek bruk raong hadang, raong ikan dalam bilan aia ndik aia sua ngak pasak dalam kết hợp patagok haong bruk ngak padai dalam thun. Cambaih laih dom mô hình hu ba tabiak piah salih ngak padai vụ 3 meda khan tal bruk raong anek lanung, raong hadang, raong ikan dalam bilan aia ndik… Ong Trần Phước Lộc, Akaok Phòng Kinh tế bal sit Hồng Ngự brei thau: Ralo urang ngak khoa học, urang pal akaok tỉnh peih ngak nyaom biai ba tabiak jalan ngak ka bruk ngak padai urak ini. Patrun ngak padai vụ 3, peih ngak tui jalan paduan salih tapa phun njam patam.

     Jeng yau dom puk palei karei, huyện Tân Hồng jeng tok thau pambak tame bruk ngak nong. Ini jeng hu mong lac puk palei hu mblang taneh pala padai vụ 3 prong di tỉnh. Ngak gam gam, tận dụng abih tukvak piah pa-yeng vin. Tui jalan ngak ini, dak harei dak hu ralo urang nong ngak hu 7 vụ dalam luac 2 thun. Yau nan min, meda mboh lac labaih 10 thun tapa bruk patagok vụ yau urak ini jeng oh ka ba mai giá trị tagok mbluak bo cagar veik dak harei dak ngak patrun chất lượng asal brah ngak tabiak. Jaik taphia tapen negar, dom tỉnh di negar ayut Campuchia tok ngak 1 padai dalam thun. Yaom lac ngak tabiak sản lượng takik min chất lượng braj hu khẳng định saong ba mai giá trị tương xứng. Ong Hồ Văn Lý – Phaok Akaok Phòng Ngak nong saong patagok palei pala huyện Tân Hồng brei thau: Jalan ngak di huyện ye oh patagok bruk ngak padai vụ 3, kadua nan lac gah ngak nong hu tham mưu ka ủy ban ramik veik lịch thời vụ. 2 padai 1 njam patam, atau tok ngak 2 padai.

      Oh njuak ngẫu nhiên bo tukvak jaik di ini tỉnh Đồng Tháp gilac iek prong tal bruk pachreih saong daong dom mô hình ngak nong hacih. Dalam bối cảnh biến đổi khí hậu, ô nhiễm môi trường ngak pambak dak harei dak prong dalam tal bruk ngak mbang, pala drak di yaok riytuh ribau urang nong dalam tỉnh ye bruk “trun padai vụ 3” meda hu mong yau sa jalan ngak piah ứng phó siam laghaih dalam tukvak ini./.